Bota

Ekziston edhe një “grusht shteti monetar”. Sipas gjermanes Bild, kjo është ajo çka është luajtur në Athinë muajt e fundit, dhe duhej të vinte korriku që Greqia t’i shpëtojë këtij plani të thurrur nga anëtarët e partisë qeveritare të majtë, Syriza. Udhëheqës të këtij grupi, sipas informacioneve të Bild, ishin ish-ministri i Energjisë, Panagiotis Lafazanis, 68 vjeç dhe të paktën pesë anëtarë të Komitetit Qendror të partisë Syriza.

Lordi John Sewel, (Xhon Siuëlll) nënkryetar i dhomës së lartë të parlamentit britanik ka dhënë dorëheqjen nga posti i tij.

Mediat në Rusi njoftojnë për një lajm sensacional që lidhet me Car Aleksandër I. “Rossiyskaya Gazeta” dhe “Gazeta.ru” shkruajnë se grafologët kanë arritur në përfundimin se shkrimi i Car Aleksandër I, është identik me atë të Fjodorit të Tomskit, një murg i kanonizuar nga Kisha Ortodokse Ruse në vitin 1984. Rrjedhimisht, grafologët deduktojnë se Fjodor Kuzmich, ose Fjodori i Tomskit, është Car Aleksandër I.

Duket se siguria, ashtu si ajo na sugjerohet nga autoritetet, po prevalon ndaj lirive. Madje duke pretenduar se përforcohet për të ruajtur pikëirsht këto liri. Pas SHBA-së që me “Patriot Act”, hapi spiralen e përgjimit masiv të qytetarëve, bazuar në kritere ligjore shumë të diskutueshme, është edhe Franca, ajo që e ndjek këtë rrugë. Së fundmi, Këshilli Kushtetues francez, ka miratuar ligjin e propozuar që i jep qeverisë të drejta të gjera për të përgjuar qytetarët.

Një artikull në Bloomberg View (http://www.bloombergview.com/articles/2015-07-22/did-putin-sell-out-greece- ), analizon raportin Greqi-Rusi para dhe pas referendumit grek mbi paketën e reformave të propozuara nga Eurogrupi.

Paqësori trazohet përherë e më shumë, duke u kthyer në sfidën kryesore të sigurisë globale. Madje duke kaluar potencialisht Lindjen Mesme. Disa veprime të Kinës në Detin e Kinës Jugore, Korea e Veriut, shqetësimet e Filipineve, kanë prishur paqen relative të këtij rajoni në ngritje të vazhdueshme. Së fundmi, edhe Japonia pacifiste e pasluftës, ka ndërmarrë një akt që shihet ai fundi idealit të pas LIIB. Kryemimistri Shinzo Abe propozoi dhe mori votën në Dhomën e Ulët, për t’i dhënë të drejtën ushtrisë që të përdorë goditjet dhe mjetet ofensive.

Revista gjermane “Spiegel” i ka marrë një intervistë ministrit gjerman të Financave, Wolfgang Schäuble. I përfolur gjatë si njeriu që po imponon rregulla thuajse skllavëruese mbi Greqinë dhe po sugjeron nxjerrjen e saj nga Eurozona, Schäuble, përgjigjet me qetësi dhe jep versionin e tij. Më kyçja: Nuk ka lehtësim borxhi për Greqinë nëse qëndron në euro. Traktatet europiane nuk e lejojnë një gjë të tillë. Por sipas tij, askush nuk ka kërkuar apo planifikuar largimin e Greqisë nga euro. Mirë do të ishte që Athina vetë ta sugjeronte një gjë të tillë. Më poshtë pjesë nga intervista:

Në një raportim të gjatë rreth negociatave të Ciprasit & co. me kreditorët europianë, Reuters njofton se, para shpalljes së referendumit, qeveria greke kishte kërkuar 53 miliardë euro borxh të ri, për të siguruar ndëjtjen e Greqisë në Eurozonë. Liderët e Eurozonës, e pranuan këtë kërkesë, me kushtin që Greqia të zbatonte një sërë reformash, të cilat Cipras nuk i pranoi, duke shpallur zhvillimin e referendumit.

Në një shkrim për Nju Jork Tajms, nobelisti i ekonomisë Paul Krugman nënvizon çmimin e tmerrshëm që po paguan Europa për “egoizmin e përbindshëm” të një fantazie ekonomike që parashikoi bashkimin monetary pa bashkimin politik. “Vendosja e një monedhe të përbashkët europiane tingëlloi si një ide e madhe. Ajo do ta lehtësonte bërjen e biznesit përtej kufijve kombëtarë, ndërkohë që do të shërbente edhe si një simbol i fuqishëm bashkimi. Kush mund t’i kishte parashikuar problemet e rënda që mund të kishte shkaktuar euro?

E fuqishmja Statoil, kompania norvegjeze e energjisë që ka 20% të aksioneve në projektin gazsjellës transadriatik (TAP) është tërhequr përfundimisht nga pjesëmarrja në këtë projekt, raporton Reuters.  për shkaqe ende të panjohura. Statoil ka vendosur të heqë dorë nga projekti i cili do të transportojë gaz nga Azerbajxhani në Europë, por ka deklaruar se një tjetër kompani është e gatshme ta blejë pjesën e saj të aksioneve. Gjithsesi, misteri mbetet, pasi prani e Statoil në biznese dhe projekte të kësaj natyre, është shenjë e suksesit të garantuar të sipërmarrjes.

a.k