Bota

Dhunë në takimin miqësor mes CSKA(Bullgari)-Ashdod(Izrael)

Një grup prej 200 emigrantësh ndodhen në Kalais në hyrje të tunelit të La Manshit, “Eurotunnel” duke bërë thirrje për të hapur kufijtë dhe t’I lejojnë të hyjnë në Britani. Ata kanë prishur gardhet e vendosura nga policia e cila i ka qëlluar me gaz lotsjellës për ti shpërndarë. Kur emigratët janë tërhequr ata janë mbledhur për të krijuar një barrikadë njerëzore duke bllokur rrugën dhe tunelin. Gjithashtu kërcënojnë dhe me grevë urie. Emigrantët bërtisnin në kor: “Përse na vrisni ne? Kemi ardhur të shpëtojmë jetët tona. Përse jetojmë në xhungël?

Një zhgënjim më fatal nuk mund të kishte për ish kampionin botëror të thaiboksit Valdet Gashi. Ai përfundimisht është ekzekutuar nga ISIS-i, sipas informacioneve që ka siguruar gazeta gjermane “Die Welt”. Deri tash ishte e paqartë se në çfarë rrethanash ka ndodhur vrasja e shqiptarit që kishte shkuar në Siri të luftonte për xhihadin. Por arsyeja, po:

Marwan Hisham, një banor i dikurshëm i Halepit të Sirisë, publikon një reportazh në “Vanity Fair”, një reportazh nga qyteti i tij. Një rend i përmbysur jete, shkatërrim i plotë dhe një qytet i kthyer në vijë fronti. Përmbajtja e konfliktit, pavarësisht rolit të ISIS është klasike në premisa: një elitë me “modernizim” dhe orientim perëndimor të shpejtë, përkundrejt një periferie përherë e më shumë reaksionare ndaj këtij procesi. “Po bind venten që kjo është e vërtetë”, shkruan Hisham, që e percepton shkatërrimin përmes kujtimeve të një kohe kur Halepi gëlonte nga jeta.

Parashikimet e OKB-së thonë se Toka në vitin 2100 do të ketë diku tek 11.2 miliardë njerëz. Një shifër që shtron qysh tani problemin e madh ekonomik, social dhe mjedisor. “Sa mё shumё njerёz tё ketё nё Tokё, aq mё shumё konsumohen burimet. Llogaria ёshtё fare e thjeshtё: "por ёshtё edhe njё ҫёshtje se si veprojmё me kёto burime. Sepse nёse tё gjithё njerёzit nё Tokё do tё jetonin kёshtu, siҫ bёhet sot nё Gjermani apo nё SHBA, atёherё Toka qysh sot nuk do tё kishte mё kapacitet”, citon “Deutsche Welle” Ute Stallmeister nga fondacioni Popullsia Botёrore në Hanover.

The Guardian e Londrës është marrë me rastin që misioni më i madh i huaj i Bashkimit Evropian, EULEX, përpiqet me çdo kusht ta mbyllë. Qeverisja europiane e Kosovës është akuzuar për përdorimin e çdo fuqie në përpjekje për të heshtur një denoncuese që pretendon se ka prova të korrupsionit në këtë mision. Denoncuesja është juristja Maria Bamieh, ish punonjëse që pretendon se është detyruar të largohet nga puna për shkak se kishte prova për korrupsionin që përfshinin zyrtarët e lartë të këtij stafi.

Një traktor i mbushur me 2 ton eksplozivë, që ka shpërthyer në një stacion policor turk, në afërsi të qytetit Dogubajazit në provincën Agri, në kufirin mes Turqisë dhe Iranit, ka lënë vetëm dy trupa të sigurisë turke të vrarë ndërsa 31 të tjerë u plagosën. Agjencia Anadoll bëri me dije se grupi përgjegjës për këtë ngjarje, kishte kryer disa sulme në seri në dy javët e fundit.

Nëse në Gjermani, zgjedhjet do të mbaheshin javën tjetër, kancelarja Angela Merkel, do të fitonte shumicë absolute. Kështu referon agjencia “Reuters” një sondazh të realizuar një ditë pasi revista “Spiegel” publikoi lajmin se Merkel ka ndërmend të garojë për një mandat të katërt. Arsyet e kësaj mbështetjeje gjenden tek sjellja e kancelares gjatë krizës greke, ku ajo provoi veten të ishte një politikane “ku mund të mbështetesh në situata të vështira”.

Fluksi i madh i refugjatëve nga vendet e Ballkanit Perëndimor ka bërë që Gjermania të gjejë një mënyrë tjetër për të trajtuar numrin e lartë të azilkërkuesve, përfshirë ata nga Shqipëria dhe Kosova. “Balkanweb” citon mediat gjermane duke ndalur në faktin se refugjatët që kanë hequr dorë me kërkesën e tyre për azil në qarkun e Lorrachut (landi jugor Baden Württemberg), do të marrin ndihmë për kthimin e tyre në vendlindje dhe një shumë prej 600 eurosh. Sipas medias gjermane “24.de”, programi ka për qëllim uljen e kostove për trajtimin e azilantëve.

Mediat italiane shkruajnë sot për krizën ekonomike dhe sociale që po mbërthen vendin tonë fqinj. Një në çdo tre italianë në Jugun e Italisë, është i ekspozuar ndaj varfërisë. Në veri dhe në Italinë Qendrore ky raport është një në dhjetë. Shifrat i referohen raportit “Svimez”, që vëren se problemi është i trashëguar: rritja e Jugut ka qenë poshtë mesatares së rajoneve të tjera të Jugut të Europës për vitet 2000-2013. Zonat më të ekspozuara janë Siçilia dhe Kampanja. Problem shumë serioz paraqitet rënia demografike, me numrin e lindjeve më të ulët për 150 vjet.