Bota

Dy persona gjetën vdekjen dhe shtatë të tjerë u plagosën gjatë një atentati në Tel-Aviv, në një pub. Nuk është përcaktuar nëse sulmi ka natyrë terroriste apo kriminale.

Përshkallëzohet edhe më tej tensioni mes Rusisë dhe Perëndimit. Presidenti rus, Vladimir Putin ka firmosur së fundmi një dokument të strategjisë së mbrojtes, në të cilin NATO përcaktohet si kërcënim për Rusinë dhe sigurinë e saj kombëtare. Sipas këtij dokumenti, instalimet e ndryshme të NATO-s në disa vende, cilësohen si kërcënimi kryesor Kremlinin. Dokumenti cilëson po ashtu se instalimet e sistemeve ushtarake nga NATO vjen në kundërshtim me ligjin ndërkombëtar, ccka kërcënon rendin e përgjithshëm në botë.

Sulme  të ngjashme me ato të Parisit ishin planifikuar të kryeheshin nga një grup terrorist të përëbërë nga 7 irakianë në Mynih natën e ndërrimit të viteve.  Gjithçka e kordinuar nga Shteti Islamik sipas gazetës BILD. Ndonëse policia gjermane deklaroi se i ka emrat e 7 personave, 5 prej të cilëve me prejardhje arabe nuk ka ende asnjë të arrestuar. Informacionet autoritetetve gjermane ia përcollën shërbimet sekrete të një vendi europian.

Në Dubai, mbrëmja e ndërriit të viteve është shoqëruar me një ngjarje dramatike. Një hotel me pesë yje, “Address Hotel”, ka marrë flakë dhe nga pamjet e publikuara duket se situata është serioze.

Axhenda e Papa Franceskut për vitin e ardhshëm duket se do të jetë e ngjeshur me vizita dhe ngjarje. Korrespondenti i agjencisë franceze të lajmëve në Vatikan, bën të ditur se në 100 vjetorit të luftës së parë botërore, në përkujtim të masakrave masive, Papa do të vizitojë Kosovën.

Me shumë mundësi ai do të shkojë edhe në Armeni e Francë si dhe do të kthehet në atdheun e tij, Argjentinë. Vizita konsiderohet si historike, edhe per faktin se Vatikani nuk e ka njohur ende shtetin e Kosoves. Ajo parashikohet te zhvillohet para shenjtërimit te Nene Terezes.

SHBA është një komb i trilluar. Banorët e saj kanë ardhur nga të gjitha vendet e botës në SHBA. Të varfër dhe të pasur, të përndjekur dhe studentë, por edhe analfabetë. Çfarë ironie e fatit, që kandidati me origjinë gjermane për president Donald Trump, i cili kryeson në sondazhe, kërkon që të mbyllen kufijtë për myslimanë dhe amerikano-latinë.

Numri i emigrantëve që kanë mbërritur në Europë-përmes detit- gjatë vitit 2015 ka arritur në mbi 1 milionë.Agjencia e Kombeve të Bashkuara për Refugjatët (UNHCR) thotë se mbi 80 % e 1 milionë e 503 emigrantëve kanë mbërritur në Greqi, kryesisht përmes ishullit të Lesbos-it. Rreth 844.00 kanë udhëtuar nga Turqia në Greqi. Ndërsa pjesa tjetër, mbi 150 mijë kanë përshkuar Detin Mesdhe nga Libia drejt Italisë.

Tensionet në botë sa vijnë e ngrihen, me rishfaqjen e Rusisë në skenë, me fuqizimin e Kinës, Indisë, Iranit, por edhe me forcën e madhe të terrorizmit që është përftuar përmes Shtetit Islamik. Në këtë kuadër nuk mungojnë as parashikimet apokaliptike, të cilat zënë fill nga një përvojë e Luftës së Ftohtë, apo edhe e Luftës së Parë Botërore, cilësuar edhe si një luftë që nisi për shkak të keqkuptimit nga keqllogaritja reciproke.

Francesco Becchetti ka bërë lajm sërish kur pas ndeshjes së futbollit mes Orient dhe Portsmouth, ka qëlluar me shkelm, zv. Trajnerin e Orient, Andy Hessenthaler. Becchetti posedon klubin e Leiton Orient.

Ndërhyrja ushtarake e radhës e Shteteve të Bashkuara të Amerikës ka të ngjarë të ndodhë në Lindjen e Mesme apo në Ballkan sipas  një analize të revistës amerikane “The National Interest”.Autori i raportit, Daniel Sukman ka krijuar një hartë ku tregohen operacionet ushtarake amerikane të 35 viteve të fundit, ndërsa piketon edhe zonat e mundshme të konfliktit në një të ardhme të afërt.