Bota

Gjenerali iranian Qasem Soleimani ka gjasa të jetë likujduar thjesht për llogari politike dhe elektorale. Sekretari i Mbrojtjes Mike Pompeo ka deklaruar gjatë një interviste për Fox News se autoritetet amerikane nuk e kanë ditur me siguri se kur dhe ku do të bëheshin sulmet që i atribuohen Soleimanit. 

Kishte plane për sulme iminente, por ne nuk e dimë me siguri se ku dhe kur do të bëheshin ato

tha ai. 

Në mediat e ndryshme janë publikua video të rrëzimit të aviomit ukrainas mbi Iran pak minuta pasi ishte ngritur nga aeroporti i Teheranit. Në bord ishin 170 pasagjerë dhe ekuipazh që kanë vdekur të gjithë.

Irani ka refuzuar dorëzimin e kutisë së zezë ndërkohë që sa më shumë kalon koha, aq më shumë shtohen dyshimet se avioni është rrëzuar nga një raketë iraniane që ka qëlluar gabimisht.

Irani e deklaron të ezauruar goditjen hakmarrëse për vrasjen e gjenerali Soleimani. Ambasadori i këtij vendi në OKB, Majid Takht Ravanchi ka deklaruar në një intervistë për National Public Radio, se Teherani zyrtar kosnideron se me sulmet ndaj bazave amerikane në Irak, objektivat quhen të përmbushura.

Nëse SHBA sulon sërish Iranin, përgjigja proporcionale nuk do të mungojë

tha ai.

Në rrugën e Erdogan qëndrojnë vetëm fuqi rajonale. Memorandumi i Turqisë me qeverinë libiane të Tripolit për delimitimin e ujërave detare nuk ka sjellë mobilizimin diplomatik të ShBA siç pritej së paku nga Qipro dhe Greqia. 

Takimi i fundit i kryeministrit Mitsotakis me presidentin amerikan Donald Trump u provua si i papërmbushur në objektivin e arritjes së mbështetjes së pakushtëzuar amerikane për synimet dhe interesat greke. Trump nuk ka shprehur asnjë qëndrim të prerë në këtë drejtim duke e lënë fushën bosh dhe me aktorë që nuk janë në gjendje ta kërcënojnë presidentin turk. 

Presidenti amerikan Donald Trump ka njoftuar publikisht se nga sulmi i Iranit në bazat e SHBA në Irak nuk ka asnjë viktimë. Zoti Trump ka folur me një gjuhë që ngjan me atë që u tregon diçka fëmijëve:

Lëvizja Vetëvendosje në Kosovë duket se është kyçur në një pozicion absurd paszgjedhor. U shpall fituese e zgjedhjeve parlamentare, kryetari i saj, Albin Kurti e quan veten si kryeministër, por nuk pranon ta zyrtarizojë kandidaturën e tij. Presidenti i vendit, Hashim Thaçi, kishte njoftuar një afat 48-orësh për të zyrtarizuar emrin e kandidatit që do të mandatohet, por VV ka dështuar sërish në këtë drejtim.

Greqia ka zyrtarizuar kërkesën për të qenë pjesë e programit F-35(80 milionë dollarë për njësi)që nënkupton fitimin e të drejtës së blerjes së avionëve në fjalë që konsiderohen si ndër më të avancuarit në botë. Deri më tani nga vendet e huaja janë përfolur Izraeli dhe Turqia, kjo e fundit e refuzuar për shkak të blerjes së sistemit rus S-400. 

Lajmi për ambicien e Greqisë është bërë i ditur gjatë vizitës së kryeministrit grek, Mitsotakis në ShBA gjatë së cilës ai është takuar me presidentin Donald Trump. 

Irani ka nisur valën e parë e asaj që e quan hakmarrje për vrasjen e kreut të forcave speciale Quds, Qasem Soleimani. Mediat raportojnë se në orët e para të së mërkurës baza amerikane në Irak janë goditur me rreth 35 raketa balistike dhe përgjegjësinë për sulmin e ka marrë Garda Revolucionare Iraniane.

Sipas raportimeve të para thuhet se nën goditje kanë qenë bazat në Camp Taji, dislokimet amerikane në Erbil dhe baza Ayn al-Asad ku strehohen trupat amerikane në Irak. 

Qeveria amerikane i ka refuzuar vizën hyrëse ministrit të Jashtëm iranian Javad Zarif që do të fliste në seancën e Këshillit të Sigurimit të Organizatës së Kombeve të Bashkuara. Lajmi raportohet nga mediat ameriakne sipas të cilave misioni iranin në OKB po pret sqarime rreth këtij vendimi.

Nuk kemi marrë asnjë komunikim zyrtar as nga SHBA as nga OKB rrethe vizës së ministrit Zarif

Rusia dhe Kina kanë bllokuar miratimin e një rezolute të propozuar nga SHBA dhe mbështetur nga 29 vende përmes të cilës dënohet sulmi i dhunshëm ndaj konsullatave dhe misioneve diplomatike. Të dyja vendet kanë shfrytëzuar të drejtën e vetos në Këshillin e Sigurimit, vendim që është dënuar publikisht nga SHBA.

Sipas përfaqësuesit kinez në OKB, ambasadorit Zhang Jun, miratimi i rezolutës ishte në axhendë por më pas ndodhën ngjarjet e 3 janarit në Baghdad ku pas një sulmi ajror mbeti vrarë gjenerali iranian, Qasem Soleimani.