Bota

 Mediat kineze raportojnë se në Kazakistan është konstatuar një virus i ri më vdekjeprurës se CoVid-19 i cili ende nuk është saktësuar se çfarë është. Ambasada kineze në Kazakistan raporton për një “pneumoni të panjohur” me raste në rritje që nga muaji qershor.

Shkalla e vdekjeve e kësaj sëmundjeje është shumë më e lartë sesa ajo e koronavirusit. Departamentet shëndetësore po kryejnë kërkime krahasuese mbi virusin e pneumonisë, por duihet ende ta identifikojnë atë

Presidenti amerikand Donald Trump është shfaqur për herë të parë me maskë gjatë vizitës së tij në spitain Walter Reed në Maryland. 

Isa Mustafa, kreu i Lidhjes Demokratike të Kosovës, njofton se ka rezultuar pozitiv me koronavirusin.

thotë Mustafa në Facebook.

Me këtë rast konfirmohet prekja e zyrtarit më të lartë politik në botën shqiptare nga virusi i ri.

Bashkimi Europian ka shprehur gatishmërinë që të marrë rolin e negociatorit mes Turqisë, Greqisë dhe Qipros për çështjet delikate në Mesdhe. Gjatë një takimi në Ankara mes shefit të politikës së jashtme të BE-së, Borrell dhe homolgut të tij turk, Mevlut Cavusoglu, përfaqësuesi europian kndër të tjera ka deklaruar se:

Jam këtu për gjetjen e një zgjidhjeje të konfliktit mes Turqisë dhe Greqisë në Mesdheun Lindor. Ne po planifikojmë të organizojmë negociata mes të dyja palëve

Në Itali është arrestuar një 38 vjeçar nën akuzën e propagandimit të ideve radikale të ISIS. Nicola Ferrara me origjinë nga Bari, rezident në Milano, është konvertuar në Islam dhe quhej Isa. Nicola i kthyer në Isa aderonte në drejtimin salafit të Islamit dhe në vitin 2001 kishte qenë pjesë e një misioni paqeruajtës në Shqipëri. Ai propagandonte ndër të tjera se koronavirusi është një krijim i Allahut, një ndëshkim. 

Vrasja e gjeneralit iranian Qasem Soleimani ishte e paligjshme. Në ktë konkluzion del një prej raporterëve të OKB-së, Agnes Callamard që përgjigjet për ekzekutimet arbitrare dhe pa vendim gjyqësor. Sipas Callamard pretendimi i amerikanëve dhe vrasja e 3 janarit u krye për shkak të të dhënave se Soleimani po organizonte një sulm ndaj trupave të SHBA nuk provohet.

Pas nënshkrimit të marrëveshjes detare me Greqinë, Italia duket se po shikon një qetësim relativ të raporteve me Turqinë. Mediat raportojnë se ministri italian i Mbrojtjes, Lorenzo Guerini ka zhvilluar një vizitë një ditore në Ankara, gjatë së cilës është takuar me homologun turk, Hulusi Akar. Ky i fundit e ka përshkruar takimin me tone pozitive duke vënë në dukje rolin e dy fuqive si Italia dhe Turqia në Mesdhe:

Serbët kanë dalë dje në rrugët e Beogradit pasi presidenti Aleksander Vuçiç njoftoi se masat kufizuese dhe karantinimi i fundjavës do të rikthehen. Sipas raportimeve të ndryshme mediatike, nga përplasjet ka patur të lënduar, 17 protestues dhe 43 policë.

Destinacioni i protestës ka qenë parlamenti dhe RTS, televizioni publik që akuzohet se raporton përherë në favor të qeverisë. Sipas zëdhënësve të qeverisë serbe, protesta nuk përjashtohet të ketë patur si synim rrëzimin e saj, mirëpo lidhur me këtë do të duhet një hetim.

Kreu i Taskë Forcës së Shtëpisë së Bardhë për pandeminë, Anthony Fauci, ka deklaruar se mosha mesatare e të infektuarve nga CoVid-19 ka zbritur me 15 vjet. Sipas të dhënave zyrtare në SHBA, moshat 20-30 vjeç janë bërë kontigjent i ekspozuar ndaj virusit, ndonëse sipas Faucit ato priren ta përballojnë më mirë sëmundjen.

Nga ana tjetër ai ka vënë në dukje se virusi ka një sërë simptomash dhe në këtë kuptim është ende e paqartë mirë se cilat janë efektet e tij edhe mbi të rinjtë. Megjithatë përvoja ka provuar se të rinj me sëmundje shoqëruese janë të ekspozuar po aq sa të vjetrit.

Një këshilltar i drejtorit ekzekutiv të agjencisë ruse të hapësirë, Roscosmos është arrestuar sot nën akuzën e tradhëtisë.

Ivan Safronov është ndaluar me kërkesë të agjencive ligjzbatuese, ndërkohë që zëdhënësi i Kremlinit, Peskov ka sqaruar se ndalimi nuk ka të bëjë me detyrën e tanishme të të ndaluarit që punon si gazetar.