Bota

Ndarja mes Polonisë dhe Bashkimit Europian sa vjen e thellohet. “Nuk kemi pse të mbetemi anëtarë të Unionit me çdo kusht”, tha ministri i Drejtësisë në një intervistë të botuar të premten në të përditshmen “Rzeczpospolita”.

Tetë anëtarë të bordit të revistës shkencore “Molecular Genetics & Genomic Medicine” kanë dhënë dorëheqjen pas botimit të disa studimeve që ata pretendojnë se mund të përdoren për profilizimin e ADN-së dhe persekutimin e pakicave etnike në Kinë.

Polemikat sa u takojnë kërkimeve etnike nuk janë diçka e re në komunitetin shkencor. Rasti konkret ka të bëjë me kërkime mbi tibetianët dhe ujgurët, midis grupeve të tjera etnike. Revista botohet nga Wiley, një kompani shumëkombëshe me seli në New Jersey që është një nga botuesit kryesorë shkencorë në botë.

Mark Zuckerberg është armik i shtetit dhe e ka vendin në burg. Regjisori dhe historiani Ken Burns ishte shumë i drejtpërdrejtë kur u pyet për themeluesin e Facebook. Në një intervistë për “New York Times”, ku promovoi një film të ri për Muhamed Ali Burns u pyet nëse një figurë e veçantë e teknologjisë mund të bëhet aq e rëndësishme nga pikëpamja kulturore në disa dekada, sa është legjenda e boksit tani.

Rikthimi në marrëveshjen bërthamore të vitit 2015 mes vendeve kryesore perëndimore dhe Iranit mund të jetë i pamundur. New York Times citohet të ketë raportuar se rotacioni në Iran ka krijuar dyshime të mëdha për mundësinë e riaktivizimit të marrëveshjes në fjalë që u trumbetua nga Obama dhe u rrëzua nga administrate Trump.

Ekziston një rrezik real se iranianët do të ulen në tryezë me kërkesa jorealiste për atë se çfarë mund të arrijnë në këto bisedime

Nga parti anti-establishment, Lëvizja 5 Yjet kthehet në parti konvencionale. Ish-kryeministri Giuseppe Conte ka marrë përsipër rimodelimin e partisë së themeluar nga Beppe Grillo, pasi u mbështet nga shumica dërrmese e saj.

Pa ndonjë lidhje me Lëvizjen 5 Yjet, Conte ka drejtuar dy qeveri koalicioni, deri në janar të këtij viti, kur u zëvendësua nga Mario Draghi.  

Ka qenë vetë Grillo ai që i ka kërkuar Contes të rimodelojë partinë, një propozim që Conte fillimisht e ka hedhur poshtë, por më pas të dy arritën një marrëveshje në korrik.

Ish-agjenti i NSA-së, Edward Snowden, thotë se nëse dikush ia ka dalë të përgjojë gazetarë në Francë, kjo mund të ndodhë kudo. Snowden i referohet rastit “Pegasus”, një program spiun izraelit përmes të cilit, siç konfirmoi Agjencia Kombëtare e Francës për Sigurinë e Sistemeve të Informacionit (ANSSI), janë përgjuar tre gazetarë francezë.

Snowden, i cili u vu në qendër të vëmendjes botërore në vitin 2013, kur zbuloi detaje për programet amerikane të mbajtjes nën mbikëqyrje, e sheh këtë rast si “diçka e madhe”.  

Drama e Mesdheut nuk ka të sosur me viktima dhe episode tragjike që përsëriten e përsëriten. Një video e publikuar së fundmi ilustron se se në përpjekjen për t’u hedhur në Europë nga Afrika ka viktima që janë në kohën tonë edhe subjekte të regjistrimit live të fundit të tyre.

Kryeministri i Italisë, Mario Draghi, ka firmosur së fundmi një Direktivë  që çon në deklasifikimin dhe depozitimin në Arkivin Qendror të Shtetit, të dokumentacionit që ka të bëjë me Organizatën “Gladio” dhe Lozhën Masonike P2.

Administrata e Barnave dhe Ushqimit në SHBA ka miratuar një trajtim parandalues me antitrupa për individë që janë vulnerabël ndaj Covid-19. Kjo kategori qytetarësh përfshin ata që janë mëtë rrezikuar nga virusi, për shkak të sistemit imunitar të dëmtuar.

Republikanët janë të bindur se pandemia që pushtoi botën e ka origjinën në një strukturë kërkimore kineze. Raporti i publikuar prej tyre të hënën del në një konkluzion të tillë.

Sipas raportit, ka "prova të shumta" që shkencëtarët e Institutit Wuhan të Virologjisë  - të ndihmuar nga ekspertë amerikanë dhe fonde të qeverisë kineze dhe amerikane - po punonin për të modifikuar koronaviruset për të infektuar njerëzit dhe një manipulim i tillë mund të jetë fshehur.