Bota

Autoriteti Belg për Mbrojtjen e të Dhënave (DPA) ka gjobitur me 300 mijë euro në total dy aeroportet e Brukselit për përdorimin e kamerave termike për të matur temperaturën e trupit të udhëtarëve gjatë pandemisë Covid-19.

Gjatë pikut të Covid-19, aeroportet “Zaventem” dhe “Charleroi” përdorën kamera termike për të kontrolluar nëse njerëzit kishin temperaturë mbi normalen.

Komisioni Europian priti rezultatet e zgjedhjeve në Hungari për ta njoftuar për shkurtimin e fondeve. Presidentja e KE, Ursula von der Leyen, njoftoi sot se shumë shpejt do të hyjë në fuqi një mekanizëm i ri që do të ndëshkojë Hungarinë me shkurtim të fondeve, për gërryerjen e standardeve të sundimit të ligjeve europiane, raporton Politico.eu.

Polonia ka një qasje alternative në raport me Rusinë dhe sanksionet si ndëshkim për ndërhyrjen ushtarake në Ukrainë. Autoritetet polake po kërkojnë nga Bashkimi Evropian të vendosë sanksione kundër të gjithë anëtarëve të partisë Rusia e Bashkuar.

Kryeministri polka, Mateusz Morawiecki, kërkoi të hënën sanksione specifikisht për partinë e presidentit Putin dhe gjithë anëtarëve të saj.

"Pamjet që vijnë nga Bucha janë të tmerrshme, janë krime lufte, por krahasimi me Shoah-un nuk ka vend. Ukraina nuk i afrohet një Holokausti dhe shpresoj që të mos i afrohet kurrë.”

Drejtori i Qendrës Wiesenthal në Jerusalem, Efraim Zuroff, komenton denoncimin e kryetarit të Parlamentit të Kievit, Ruslan Stefanchuk, i cili e cilësoi "holokaust i mijëvjeçarit të ri" tragjedinë e Bucha-s.

Yad Vashem, Muzeu i Holokaustit në Jerusalem, përsëriti gjithashtu thirrjen e tij për t'u përmbajtur nga "abuzimi dhe shtrembërimi i Holokaustit".

Në disa zona të Kinës, Covid-19 është rikthyer pothuajse në nivelet e fillimit të pandemisë. Shangai hyri në karantinë sërish më 28 mars, për shkak të rritjes së infeksioneve. Një udhëzim i dytë i autoriteteve shëndetësore kufizoi daljet nga shtëpia të banorëve të Shangait, pasi u raportuan 8 581 raste të reja asimptomatike dhe 425 të tjerë me simptoma.  

Emmanuel Macron është "pro" sanksioneve të reja të BE-së kundër Rusisë pasi qindra trupa civilësh të torturuar u gjetën në Bucha, jashtë Kievit. “Ka indikacione shumë të qarta për krime lufte” në Bucha, dhe është “pak a shumë e vërtetuar se i ka kryer ushtria ruse”. Sipas Macron, ajo që ndodhi në Bucha kërkon “masa shumë të qarta”.

Më pas do të koordinohemi me partnerët tanë evropianë, "veçanërisht me Gjermaninë" në "ditët e ardhshme", shtoi ai, duke iu referuar sanksioneve individuale dhe masave për "energjine dhe naftën".

Koalicioni i drejtuar nga partia e Aleksander Vuçiç ka fituar zgjedhjet në Serbi. Sipas rezultateve zyrtare, me 89,68 për qind të fletëve të numëruara, koalicioni “Së bashku mund të bëjmë gjithçka” ka fituar 43,67 për qind.

Sipas këtyre të dhënave, koalicioni “Të bashkuar për fitoren e Serbisë” është i dyti, me 12,89 për qind, ndërsa në vendin e tretë është lista “Ivica Daçiq – kryeministër” me 11,72 për qind të votave.

Hungaria voton sërish Orban. Pritet që kryeministri të marrë mandatin e katërt, pas numërimit të votave të hungarezëve, të cilën votuan sot për qeverinë e re.  

Me më shumë se 20% të votave të numëruara, Orban është në avantazh të qartë, me koalicionin e përbërë nga partia në pushtet Fidesz dhe Kristian Demokratët e KDNP, me 134 vende, nga gjithsej 199, dhe opozita vetëm 57.

Pjesëmarrja në votime ishte 67.8%, pak më pak nga katër vjet më parë.

Një burrë në Gjermani u zbulua se kishte bërë me dhjetëra doza vaksine anti-Covid për të pajisur me certifikata vaksinimi persona të tjerë.

Certifikatat me numrin real të vaksinës u shiteshin individëve që donin të shmangnin vaksinimin.

Policia e Magdeburg, qytet në lindje të Gjermanisë, bëri të ditur se burri në fjalë, identiteti i të cilit ruhet në bazë të ligjit gjerman, ka injektuar mbi 90 doza në qendrat e vaksinimit të Saksonisë.

Ai u kap në një qendër vaksinimi në Eilenburg, në Saksoni, ku ishte paraqitur për të dytën ditë me radhë.

Pavarësisht se e konsideron realist pozicionin e ri që ka marrë Ukraina në raport me neutralitetin dhe statusin bërthamor, Rusia thotë se ende nuk ka një draft të qartë traktati mes dy vendeve. “Një draft traktati midis Rusisë dhe Ukrainës nuk është ende gati për t'u paraqitur në takimin e nivelit të lartë, ndërsa Ukraina është bërë më realiste në qasjen ndaj çështjes së statusit të saj neutral dhe jo-bërthamor”, citohet nga TASS, ndihmësi i presidentit rus, Vladimir Medinsky.