Bota

Evropa po del nga stina e dimrit me një vëllim rekord të gazit të magazinuar, i cili i ka kthyer çmimet sërish në nivelet e para krizës.

Skema e furnizimit ka ndryshuar shumë në raport me atë të dy viteve më parë, kur tregtarët dhe politikëbërësit ishin të shqetësuar për mungesat e mundshme të gazit pas pushtimit rus të Ukrainës.

Objektet e magazinimit në të gjithë Bashkimin Evropian dhe në Mbretërinë e Bashkuar ishin plot 62% më 5 mars krahasuar me një mesatare prej 41% në të njëjtën peridhë në vitet midis 2011 dhe 2020.

Parlamenti Europian po përpiqet të fusë inteligjencën artificiale brenda një kornize të re ligjore.

BE kushtëzon mbështetjen e vendeve të Ballkanit Perëndimor përmes Planit të Rritjes.

Presidenti i Serbisë, Aleksander Vuçiç, ka njoftuar së fundmi se Ana Brnabiç nuk do të jetë më kryeministre. Pas një takimi të kryesisë së partisë së drejtuar prej tij, Vuçiç ka deklaruar se Brnabiç do të caktohet në detyrën e kryetares së Parlamentit të vendit.

Ana Brnabiç është surpriza më pozitive për mua. Ajo ka ecur më shumë nga të gjithë, ka luftuar shumë dhe me guxim

tha ai.  

Imigracioni do të adresohet si problem ekstraterritorialiteti nga Europa. Mediat njoftojnë për një propozim të Partive Popullore Europiane, që ka mbështetjen edhe të presidentes së Komisionit Europian, Ursula vond der Leyen, sipas të cilit imigracioni duhet trajtuar me vende që janë jashtë bllokut europian.

Ne duam të aplikojmë konceptin e vendeve të treta të sigurta. Kushdo që aplikon për azil në BE mund të transferohet në një vend të tretë të sigurtë dhe t’i nënshtrohet procesit aty

Ish-ambasadorja e OKB-së, Nikki Haley, pritet të tërhiqet nga gara për të përfaqësuar republikanët në zgjedhjet presidenciale. Humbja në ato që njihen në SHBA si zgjedhjet e Super të Martës është arsyeja që e shtyn Haley drejt tërheqjes, duke e lënë ish-Presidentin Donald Trump kandidatin e fundit të madh në mesin e republikanëve. Kjo i hap atij rrugën për të qenë i nominuari i republikanëve për përballjen me demokratin Joe Biden në garën për Shtëpinë e Bardhë.

Përfaqësuesi evropian, Matjazh Nemec, u emërua raportues për heqjen e vizave për qytetarët e Kosovës që janë posedues të pasaportave nga Serbia. Ai e konfirmoi emërimin përmes rrjeteve sociale dhe tha se pret një vendim të shpejtë për anulimin e vizave për serbët e Kosovës, që kanë pasaporta të lëshuara nga autoritetet serbe.

Nënsekretarja e shtetit për çështjet politike, Victoria Nuland, do të largohet nga detyra. Sekretari i Shtetit, Antony Blinken, njoftoi se Nuland del në pension në javët e ardhshme.

Nuland lë postin e rëndësishëm në Departamentin e Shtetit, ku luajti një rol kyç në përgjigjen e SHBA-së ndaj luftës në Ukrainë – në një kohë kur financimi për Kievin ka ngecur në Kongres, ndërsa Rusia përparon në fushën e betejës.

Ministri i Jashtëm abkhaz, Inal Ardzinba, ka deklaruar se ai e sheh të ardhmen e vendit të vet, Republikën e Abkhazisë, në suzanë e Unionit Rusi-Bjellorusi.

Ne kuptojmë se një rrugë drejt një bashkimi është e gjatë dhe vështirë, por një pjesë e madhe e popullsisë sonë e mbështet këtë perspektivë. Kjo është pse ne do të përpiqemi për këtë gjë

citohet ai.

Aleksander Vuçiç është detyruar të përsërisë zgjedhjet në Beograd, një goditje kjo për autoritetin e tij, por edhe tregues se presidenti serb është i thyeshëm. Z. Vuçiç dëgjohet shpesh të flasë me terma kategorikë, megjithatë ai kësaj radhe bëri një lëshim edhe ndaj atij që është strikt një presion i Gjermanisë për zgjedhjet. 

Klima mes dy vendeve duket e tensionuar dhe ka shkarë në shkëmbime personale mes Vuçiç dhe kreut të Komitetit për Çështjet me Jashtë në Parlamentin gjerman, Michael Roth, të cilin ai e quajti “njeri që urren serbët”.