Arkiv-Lajme

Monterotondo është një qytetth afër Romës, dhe Nadia është një grua me origjinë tuniziane që banon prej 20 vitesh në Itali. Ajo që i ndodhi pardje, nuk i kish ndodhur ndonjëherë tjetër. “Isha me motrën, dhe na u afruan disa të rinj e po i bërtisnin motrës që mban shami të zezë në kokë: “Hiqe ferexhenë nga kryet, këtu në Itali nuk mund ta mbash, ik andej nga ke ardhur, qërohu, kamikaze e dreqit, ik vrit veten me ndonjë bombë, etj, etj!”

Individët dhe bizneset do të duhet të japin më shumë sqarime duke filluar nga nesër kur të shkojnë në banka, agjenci transfertash apo noterë për të kryer transaksione të ndryshme . Ministria e Financave ka nxjerrë një udhëzim të ri në lidhje për parandalimin e pastrimit të parave duke parashikuar kushte shtesë për subjektet e mësipërme në rastet e transaksioneve.

Ka mbi dy vjet që Berisha, sa herë mburret për efektet pozitive të taksës së sheshtë, thotë se ajo ka qenë faktori kryesor që ka dyfishuar të ardhurat e buxhetit të shtetit. Këtë gjë ai e tha edhe në takimin e fundit me komunitetitn e biznesit në Shqipëri. Por ç’thonë shifrat zyrtare të Ministrisë së Financave?

Vrasja e arkëtares dhe plagosja e rojes së sigurisë në bankën NBG, është një krim i vrazhdë, krejt i papërpunuar e spektakolar, i bërë në mes të ditës, në prani të shumë njerëzve, në prani të kamerave që kanë filmuar , e i kryer nga një personazh i njohur i kriminalitetit urban (pasi u zbulua autori, u mor vesh se i njëjti person ka bërë krime të tjera gjatë katër-pesë viteve të fundit). Në këto rrethana policia do duhej ta qepte gojën e t’mos shiste dëngla. Por jo, pikërisht në këto rrethana, dënglat nuk kanë të sosur.

CEZ Shpërndarjes nuk po i ecin punët aspak mirë në Shqipëri. “Tersllëku” i trashëguar nga viti 2011 me mosrealizimin e planit për uljen e humbjeve vijoi me mos miratimin e kërkesës për rritjen e çmimit të energjisë elektrike për vitet 2012-2014, vendim i Entit Rregullator të Energjisë i cili u pasua me ndryshimin e drejtorit ekzekutiv Josef Hejsek me një pjestar të stafit të tij të ngushtë, Miroslav Maçek.

E përditshmja shqip ka publikuar një profil të Viktor Gushit, vrasësit të arkëtares së bankës NBG te Xhamlliku. Dhe këtë profil e ka nxjerrë nga leximi i mesazheve në rrjetin social; kemi të bëjmë, si të thuash, me një identikit online:

Vangjel Dule mund të quhet zyrtarisht i larguar nga koalicioni opozitar (ndonëse nuk mund të llogaritet si i krahut tjetër; s’ka gjasa që të hidhet andej). Ndoka ka kohë që po ndërdyshet përballë zërit të sirenave që mund t’i vinë nga maxhoranca; madje, e ka lënë “të hapur e të mundshme” bisedën mbi një aleancë të mundshme me Berishën. Opozitarët e tjerë po dëshmojnë se janë nervozë e të pakënaqur nga Rama.

E përditshmja kosovare ‘Zëri’ është e sigurtë se Serbia do të mbajë zgjedhjet e veta edhe në zonat kosovare të banuara nga (edhe nga) pakica serbe. “Tashmë duket se nuk ka asnjë dyshim se Qeveria e Serbisë do t’i mbajë zgjedhjet nacionale edhe në tërë territorin e Kosovës”, thuhet në një artikull të kësaj gazete në versionin online, ku lihet të nënkuptohet se diplomacia ndërkombëtare po e lë këtë gjë të bëhet një fait accompli, ndonëse në pikëpamje deklarative nuk kanë munguar reagimet kundër organizimit të këtyre zgjedhjeve.

Ben Blushi ishte i ftuar mbrëmë te emisioni Opinion i Fevziut, për të diskutuar rreth tezave që kishte shtjelluar disa ditë më parë në gazetën Panorama rreth programit të PS-së. Përkundrejt insistimit të gazetarëve në studio për ta quajtur shkrimin e tij një platformë konkurente me programin zyrtar të PS-së, Blushi theksoi dhe ritheksoi se ai shkrim nuk ishte veçse një sprovë plotësuese dhe sqaruese e programit të PS-së. Dhe me një gjuhë të mbushur me metafora të goditura, ai përsëriti pak a shumë tezat që kishte shtjelluar në shkrimin e Panoramës.

Kandidatët presidencialë në Francë kanë dhe tri javë në dispozicion për të kandisur zgjedhësit që ta hedhin votën në favor të tyre. Përqindjet e Sarkozy-së e Hollande-it në raundin e parë parashikohet të jenë të afërta, por sondazhet i japin socialistit fitoren në raundin e dytë (në fakt, në të gjitha vendet e Eurozonës që kanë patur zgjedhje pas fillimit të krizës, fitorja ka shkuar për opozitën).