Frika nga pastrimi i parave dhe terrorizmi, më shumë sqarime në banka dhe tek noteri

Individët dhe bizneset do të duhet të japin më shumë sqarime duke filluar nga nesër kur të shkojnë në banka, agjenci transfertash apo noterë për të kryer transaksione të ndryshme . Ministria e Financave ka nxjerrë një udhëzim të ri në lidhje për parandalimin e pastrimit të parave duke parashikuar kushte shtesë për subjektet e mësipërme në rastet e transaksioneve.

Punonjësit e bankave, agjencive të transfertave, noterët, etj., kanë të drejtë që të mos kryejnë transaksionin në rastet kur dyshojnë dhe nuk mund të verifikojnë plotësisht jo vetëm identitetin por edhe marrëdhëniet e dërguesit me marrësin si edhe lidhjet e tij me persona që kryejnë aktivitet të dyshimtë. Krahas dokumenteve standarde si karta e identitetit apo pasaporta, punonjësi ka të drejtë që të kërkojë edhe dokumente të tjera shtesë në rast se dyshon për identitetin e kërkuesit të transaksionit. Udhëzimi parashikon edhe një vëmendje të veçantë ndaj politikanëve dhe të afërmve të tyre në raste transfertash apo transaksionesh të ndryshme.

Re.Pu