Arkiv-Lajme të përditësuara

Makina e drejtorit të Ujësjellësit të Ersekës ka shpërthyer gjatë orëve të para të mëngjesit të sotëm. Ngjarja ka ndodhur rreth orës 01:30 të mëngjesit të sotëm jashtë ambienteve të një lokali, ku makina e Orest Malushit, drejtori i ujësjellësit në Ersekë ka qenë e parkuar.

Nga shpërthimi, që dyshohet të ketë ndodhur nga vendosja e lëndës eksplozive tritol poshtë mjetet, fatmirësisht nuk ka pasur të lënduar në njerëz, por vetëm dëme materiale. Policia ka nisur menjëherë për zbardhjen e plotë të ngjarjes dhe shkaqet që çuan në shpërthimin e mjetit.

Shqip

Sali Berisha u shfaq sërish në emisionin “Zonë e Lirë”.

Ndryshe nga hera e kaluar, kur ishte kryeministër dhe i duhej të shfaqej trendy, këtë herë Berisha lëshoi vetëm akuza pa fund.

Ai tha se Edi Rama vuan nga një sëmundje mendore, që e ka çuar pranë vetëvrasjes.

Qeveria nuk e ka pranuar propozimin e Lëvizjes Socialiste për Integrim për të mos rritur tatim fitimin në industrinë e fasonit.

Zëvendësministri i Financave Ervin Mete tha se kjo do të kishte efekte të mëdha negative në buxhet.

"Për shkak të efektit të konsiderueshëm në buxhet, ne nuk mund ta mbështesim tani këtë si masë. Siç ju thashe edhe një ditë më parë, është në synimin tonë që në një të ardhme jo të largët të shohim një paketë totale masash për një sërë sektorësh", tha Mete.

Një këshilltar demokrat i bashkohet maxhorancës në Këshillin Bashkiak të Tiranës. Agim Kraja ka kaluar në radhët e LSI-së, duke e çuar numrin e këshilltarëve të majtë, të cilët kanë shumicën, në 33 anëtarë. Lëvizja e Krajës drejt LSI-së i jep maxhorancës së majtë kuotën prej 3/5 e votave të Këshillit Bashkiak.

Panorama

Është kthyer në një betejë të vërtetë deklaratash por dhe epitetesh marrëdhënia e kreut të AAK-së, Ramush Haradinaj me Lëvizjen Islamike Bashkohu në Kosovë. “Mjekrrat tuaja jo si ato të Ismail Qemalit e Adem Jasharit” i përgjigjet AAK-ja në një deklaratë të fundit drejtuar LISBA-s si kundërpërgjigje ndaj talljes që kjo lëvizje bëri pak kohë më parë në drejtim të Haradinajt.

Rama për Imamin
“Çfarë mund të kem unë personale me Arben Imamin? Kush mund ta marrë seriozisht politikisht atë?! Ai u bë i famshëm politikisht vetëm kur i hipi tankut kundër Berishës… Edhe Sudja kështu thoshte, e kanë me mua politikisht…”

“Imami mbrohet si Sudja. Pas Bashës do të shemben pallate të tjera”

Fatjona Mejdini

Gjykata e Krimeve të Rënda ka vendosur të lërë në burg truprojën e familjes Berisha, Fatos Skeja, së bashku me Gojart Locin.

Ata akuzohen për gjobëvënie ndaj biznesmenit shqiptaro- amerikan, Ramazan Hima.

Edhe pse e ka njeri të afërt, Skeja i ka vendosur një gjobë prej 100 mijë euro Himës.

Në seancën për masën e sigurisë, Skeja tha se është i pafajshëm pasi nuk ka qenë në makinë ditën kur ka ndodhur krimi.

Avokati i tij tha se duhet një masë më e butë arresti, pasi Skeja ka qenë pjesë e strukturave të shtetit dhe nuk ka rrezik arratisje.

Policia e Shtetit informoi për rritje të gatishmërisë dhe marrjen e masave shtesë për garantimin e rendit, në ditët festive që paraprijnë dhe pasojnë ndërrimin e viteve.

Konkretisht, janë marrë masa për sigurinë në rrugë dhe parandalimin e ngjarjeve aksidendale, të cilat gjykuar nga eksperienca e viteve të shkuara njohin një rritje në këtë periudhë të vitit.Këto masa do të vihen në zbatim nëpërmjet rritjes së numrit të patrullave në rrugët e vendit, të kontrolleve dhe të efektivëve në gatishmëri për çdo situatës.

Kryeministri Rama e cilësoi të padrejtë vendimin e Gjykatës Kushtetuese për rrëzimin e aktit normativ për administratën publike, por tha se e respekton atë.

I ftuar në emisionin “Top Story” në “Top Channel” me gazetarin Sokol Balla, Rama tha se ideja e një reforme tërësore në Drejtësi nuk buron nga dëshira për hakmarrje ndaj vendimeve të tyre.

Fundviti kuvendor është i ngjeshur me diskutimet dhe votimin në limitin e tij të paketës fiskale dhe buxhetit për vitin 2014. Në mbledhjen e djeshme të Komisionit të Ekonomisë ndryshimet e paketës ashtu sicc pritej u kaluan me votat e mazhorancës. Ndryshimet kryesore të kësaj pakete janë ngritja e fashës së akcizës për prodhuesit e birrës nga 200 mijë hektolitër në 310 mijë hektolitër, dhe fasha e dytë në 710 mijë hektolitër, diferencimi i TVSH për hidrokarburet vetëm për fazën e kërkimit dhe jo të zhvillimit të projekteve, vendosja e akcizës me 50 lekë për litër për pijet energjike.