Arkiv-Lajme të përditësuara

Pavarësisht vendimit për ta pezulluar me 10 ditë nga veprimtaria parlamentare, si “ndëshkim” për fjalorin e ulët të përdorur në Kuvendin e Shqipërisë, Meta nuk e ka fshehur “dobësinë” e veçantë për ish-kryeministrin Berisha, tashmë sërish në Parlament si deputet i Partisë Demokratike.
 
“Nuk do të më ikë dobësia për të edhe pse do të mungojë në Parlament këto ditë”, tha Meta. Sipas tij, Berisha do të jetë i mirëpritur gjithmonë të shprehë mendimin në Kuvend, por duhet të ruajë etikën në raport me pjestarët e tjerë të Parlamentit.
 

Partia Demokratike ka vazhduar ke akuzat ndaj qeverisë për emërimet në administratë.  Zëdhënësja  e PD-së Laura Vorpsi ka denoncuar ndërhyrjen e Kryeministrit në vendimin e gjykatës dhe emërimin e dyshimtë në krizë të sistemit tatimor.
 

Kryeministri Edi Rama dhe ministrat e kabinetit qeveritar do të zhvillojnë një mbledhje me ish-kryeministrin britanik Tony Blair për arritjet, problemet dhe objektivat e gjysmës se dytë të vitit.
Lajmin për takimin mes tyre e ka postuar  kryeministri Edi Rama në një postim në rrjetin social Facebook. Blair ndodhet për një vizitë në Tiranë, e dyta pas asaj në tetor të 2013 kur qeveria e re morri detyrën. Ish-kryeministri britanik është këshilltar i qeverisë Rama, marrëveshje kjo e cila është  firmosur para zgjedhjeve të qershorit.

Kryetari i Partisë Demokratike Lulzim Basha thotë se vota e lirë e anëtarëve të kësaj partie duhet të jetë një përgjegjësi e madhe për drejtuesit e rinj.
 
Nga  Librazhdi ku morri pjesë në Kuvendin Zgjedhor të këtij qyteti Basha tha se autoriteti që buron nga vota e lirë përbën kuotën më të lartë të përgjegjësisë të të zgjedhurve dhe zgjedhësve.
 

Një efektiv policie i Forcave të Ndërhyrjes së Shpejtë është vënë në pranga nga policia, mëngjesin e djeshëm. Burime zyrtare nga policia thanë se, i arrestuari është Klevis Sorra, 27 vjeç me detyrë punonjës policie pranë Komisariatit të Policisë së Ndërhyrjes së Shpejtë Tiranë. Nga të dhënat policore, bëhet e ditur se ai, është vënë në pranga nga Shërbimi i Kontrollit të Brendshëm me akuzën e shpërdorimit të detyrës.

Një 38-vjeçar nga Berati është vetëhelmuar pasi humbi skedinën e vendosur për ndeshjen e mbrëmshme të Botërorit 2014 Spanjë-Kili. Babai i dy fëmijëve, Edmond Kukunja, kishte lënë një shumë të konsiderueshme parash në favor të Spanjës, por me sa duket nuk e ka pranuar humbjen.

Sipas policisë së Beratit, 38-vjeçari kishte pirë fostoksinë, dhe sapo është konstatuar nga familjarët është dërguar me urgjencë në spital, por nuk ka mundur të mbijetojë.

Kryetari i Partisë Demokratike  Lulzim Basha thotë se çdo shqiptar ndihet sot i zhgënjyer dhe i tradhtuar, që sipas tij po drejtohen nga të paaftë, të papërkushtuar, e deri tek personat me rekorde kriminale. Nga Peqini ku ka marrë pjesë në Kuvendin Zgjedhor të këtij qyteti, Basha tha se PD do t’i jap qytetarëve alternativën e duhur, alternativën që ata meritojnë.

Berlini edhe një herë ka shprehur mbështetje për Shipërinë në rrugën drej BE, e ndërsa akoma nuk e ka vendosur se cfarë qëndrimi do të mbajë për statusin e vendit kandidat. Ministri i Jashtëm gjerman Frank-Walter Steinmeier gjatë një konference me kryeministrin Edi Rama tha se do të ketë mbështetjen e Gjermaninsë.

Pavarësisht arrestimeve të shpeshta të trafikantëvetë drogës dhe masave të shtuara në kufi me Shqipërinë autoritetet greke janë në hall për sasinë e madhe të drogës që futet në këtë vend. Në një anazilë të Kathemerini, që iu referohet burimeve zyrtare, pjesa më e madhe e kanabisit në Greqi shkon nga Shqipëria.

Policia britanike në bashkëpunim me atë franceze ka shkatërruar një grup kriminal  që merrej me trafikimin e emigrantëve shqiptarë nga portet franceze drejt Britanisë.  
“The Daily Mail” shkruan se emigrantët shqiptarë paguanin 8 mijë stërlina për të kaluar ngushticën e La Manshit, mes Francës dhe Anglisë. Ky rrjet trafikantësh drejtohej nga një kosovar i pasur në qytetin francez të St Malo-s. Nga hetimet e deritanishme  janë kryer 14 udhëtime nga ky grup, që përdor peshkarexhat franceze për të sjellë drejt Britanisë emigrantët shqiptarë.