Xheloze për të dashurin, drejtoresha e ministrisë merr peng rivalen

Një zyrtare e administratës publike është ndaluar nga policia së bashku me dy bashkëpunëtorë të saj. Bëhet fjalë për një ngjarje të pazakontë, ku drejtoresha e Ministrisë së Inovacionit dhe njëkohësisht gazetare me profesion është ndaluar pasditen e djeshme pasi mori peng një vajzë.
Shqiptarja.com bën të ditur se ngjarja ka ndodhur për shkak të xhelozisë, ndërsa efektivët e komisariatit nr.2 të Tiranë kanë shoqëruar shtetasit Eduart Karaj, Erta Bode dhe Renato Masmalaj nën akuzën e pengmarrjes.

Sipas policisë, shtetësja Albana Lazri është mbajtur peng për disa orë nga tre të ndaluarit, ndërsa Shqiptarja.com citon burime brenda policisë sipas të cilave Bode dhe i ndaluari tjetër, Masmalaj kanë një lidhje dashurore mes tyre.
Siç duket, xhelozia e Bodes ndaj Lazrit e ka shtyrë edhe vetë Renaton që të merrte pjesë në këtë pengmarrje.

Pasi e kanë liruar, Albana Lazri ka bërë denoncimin përkatës në komisariatin nr.2, efektivët e të cilit janë vënë në lëvizje për të arrestuar të kallëzuarit.

Në profilin e s aj në Facebook, Bode shkruan se është drejtoreshë e shoqatës “E ardhmja jonë” dhe drejtoreshë te Ministria e Teknologjisë dhe Inovacionit.

a.r