Vendimi i FIFA-s, Kosova të luajë, por pa flamur e pa himn, e...megjithatë, një fitore e madhe

Presidenti i FIFA-s, Sep Blatter e ka përshëndetur vendimin që lejon Kosovën të zhvilloje ndeshje miqësore si përfaqësuese. Vendimi i marrë nga Komisioni për Çështje Urgjente në FIFA përfaqëson një nxitje të madhe për zhvillimin e futbollit në Kosovë dhe konfirmon edhe një herë fuqinë e jashtëzakonshme të sportit tonë për të sjellë njerëzit së bashku , tha presidenti i FIFA-s Blatter .Më herët FIFA vendosi të lejojë zhvillimin e ndeshjeve miqësore ndërkombëtare të përfaqësueses A të Kosovës. Sipas Komisionin për Çështje Urgjente të FIFA-s, Kosova përkohësisht do të luajë miqësore pa flamur dhe pa himn, përderisa i ndalohet të luajë miqësore me shtetet që kanë dalë nga Federata e ish-Jugosllavisë. FIFA po ashtu ka hedhur poshtë një kërkesë të Federatës së Futbollit të Serbisë, e cila ka thënë që ekipet e futbollit serb në Kosovë të luajnë në ligat e Serbisë, duke thënë se ato ekipe duhet të regjistrohen në Federatën e Futbollit të Kosovës.

Vendimi i FIFA-s është përshëndetur nga kryeministri Thaçi dhe autoritete të tjerë të lartë kosovarë.

Zh.