Veç në SHISH, mbi 1200 ish-shikas janë ende në poste drejtuese në sektorë të tjerë të administratës së lartë shtetërore

Duke marrë shkasë nga skandali i publikuar para disa ditësh, që në administratën e SHISH, kreu i këtij shërbimi Visho Ajazi Lika, ka rikthyer dhe graduar në poste drejtuese në SHISH, ish-shikas të viteve 1992-1997, gazeta DITA, me autor Përparim Halilin, i bën një analizë më të thelluar këtij problemi, duke nxjerrë shifra dhe fakte të tjera se si Sali Berisha, pas marrjes së pushtetit më 2005 e mbushi administratën me shik-as. “Të larguar jashtë vendit nga frika e krimeve të kryera, ish-krerët e SHIK dhe “jeniçerët” e tyre u njoftuan dhe u rekrutuan përsëri prej Sali Berishës, në pushtetin e “duarve të pastra”, i cili në 23 qershor 2013 u mbyll “me duar të zeza” prej vrasjeve, trafiqeve, krimeve e korrupsionit. Të pajisur me nga një copë “letër pafajësie” prej gjyqtarëve të “plepave”, pra me “sigurinë e paprekshmërisë” prej ligjit për krimet e kryera, ata u graduan sërish, Por, këtë herë jo në ish-zyrat e tyre në SHISH, por në kupolën e pushtetit “Berisha”, madje në ato sektorë e shërbime ku vlonin financat dhe pasuritë e korrupsionit, trafiqeve e krimit, thuhet në shkrim.Sipas gazetës DITA, sot në administratën shtetërore punojnë mbi 1200 shik-as: 610 ish-shikas, ndërmet tyre 156 shefa shërbimesh punojnë në polici; 140 ish-shikas, 57 drejtues të lartë punojnë në ushtri; në Hipotekë 110 ish-shikas, 30 drejtues; në diplomaci 240 ish-shikas, 54 diplomatë e shefa shërbimesh; në dogana 190 ish-shikas, 117 drejtues; janë 11 ish-shikas në Ministrinë Arsimit; janë 92 ish-shikas drejtorë drejtorie në qendër e prefektura etj.

I plotë shkrimi në linkun: http://gazetadita.al/mbi-1200-ish-shik-as-ende-qeverisin/

Zh.