Sondazhi II Piepoli: Veliaj, fitues në Tiranë. Kosova në rënie, Bojaxhi në rritje

Pas sondazhit të publikuar dy ditë më parë nga IPR Marketing, një tjetër sondazh, kësaj here i Institutit Piepoli konfirmon fitoren e Erion Veliajt në Bashkinë e Tiranës.

Ky sondazh është ndalur specifikisht në kryeqytet ku janë pyetur 500 qytetarë.

Ai nxjerr fitues kandidatin e majtë, Veliaj, me 53.5%  të votave, 1.5% më tepër nga rezultati i sondazhit të kaluar.

Kosova renditet sërish i dyti nga kandidatët. Ai njeh rënie me 2% duke rënë nga 36% të votave në 34%. Të njëjtin trend për Kosovën kishte edhe sondazhi i IPR Marketing, i cili parashikoi rënie të rezultatit për të me 1.5%.

Rritje nga sondazhi i parë, sipas Piepolit njeh edhe kandidati i pavarur për Tiranën, Gjergj Bojaxhi.