Shënim: Pjesëmarrje e lartë e kuksianëve në votim…

Sipas të dhënave të Censusit 2011 për qarqet, të publikuar ditët e fundit, rezulton se popullsia në moshë votimi që banonte në Shqipëri në vitin 2011 ishte 2,060,324. Ndërsa sipas të dhënave zyrtare të KQZ-së, 1,586,807 zgjedhës morën pjesë në votimin e 8 majit 2011. Pra i bie që rreth 77% e popullsisë në moshë votimi që banonte në Shqipëri në vitin 2011 të ketë marrë pjesë në zgjedhje.

Ndërsa në Qarkun Kukës, kjo përqindje ka qenë goxha më e lartë – plot 87.3%. Nga 55,605 kuksianë në moshë votimi që banonin në këtë qark në 2011-ën (sipas Census 2011), 48,544 prej tyre morrën pjesë në votim (siaps KQZ-së).

Kjo pjesmarrje kaq e lartë në Qarkun Kukës, në krahasim me mesataren e Shqipërisë, mund të shpiegohet me vetëdijen e lartë politike të zgjedhësve të këtij qarku, por ndoshta edhe me marifete si ato të komunës Dajç të Lezhës, ku siç provoi gjykata e atjeshme, 1/3 e votuesve që figuronin si pjesmarrës në zgjedhje, nuk kishin qenë fare në Shqipëri në 8 maj.

Vlen të theksohet se Qarku Kukës nuk është dalluar vetëm për pjesëmarrjen e lartë në zgjedhje, por edhe për shtesë të lartë popullsie nga viti 2009 e këtej. Sipas Ministrit të Brendshëm, kjo shpiegohet me papërtueshmërinë e burrave kuksianë…

E.Zaloshnja