Qeveria ndan fondet për 4 bashkësitë fetare në Shqipëri

Bashkësitë fetare në vend do të përfitojnë brenda muajit prill mbështetjen buxhetore në masën 108.9 milion lekë. Qeveria ka miratuar vendimin nga i cili përfitojnë 4 bashkësi fetare në vend. Referuar vendimit, Komuniteti Mysliman i Shqipërisë përfiton shumën 31.4 milion lekë ndërsa Kisha Ortodokse Autoqefale e Shqipërisë përfiton shumën 25.8 milion lekë.

Kisha Katolike në Shqipëri përfiton shumën 25.8 milion lekë ndërsa Kryegjyshata Botërore Bektashiane përfiton shumën 25.7 milion lekë nga të cilat 15 milion lekë do të përdoren për ndërtimin e Selisë së Shenjtë të Kryegjyshatës Botërore Bektashiane (Odeonit). 

k.k