Pas Kosovës, Shqipëria burg për shqiptarët xhihadistë

Shqipëria duket se po ndjek një rrugë ndryshe nga Kosova për t’i dhënë përgjigje problemeve të evidentuara sëfundmi me ikjen e shqiptarëve në luftën e Sirisë. Ndërsa Kosova vendosi heqjen e nënshtetësisë për shtetasit e saj që shkojnë në luftë në Siri, Shqipëria po bëhet gati të marrë masa për t’i dënuar me burgim ata. 

Shqipëria pritet të ndryshojë Kodin Penal, duke e cilësuar angazhimin e shtetasve shqiptarë për të luftuar në Siri apo në konflikte të ngjashme si vepër penale. Ndryshe nga shembulli që po ndjekin ligjvënësit kosovarë në miratimin e një ligji të posaçëm me 5 nene, që sanksionon parandalimin e pjesëmarrjes të shtetasve kosovarë në konflikte jashtë Kosovës, ligjvënësit shqiptarë kanë menduar të propozojnë shtimin e disa dispozitave në Kodin Penal të Republikës së Shqipërisë.Top-Channel ka mësuar se  projektligji ligji, është duke marrë formën e tij përfundimtare nga një grup deputetësh, mes të cilëve Kryetari i Komisionit të Ligjeve Fatmir Xhafaj. 

Për më shumë http://top-channel.tv/artikull.php?id=273258

k.k