Obama i dërgon kartolinë Ramës; por jehona mediatike e saj është e pajustifikuar

Qysh prej refuzimit që, nën presionin e manifestimeve popullore, iu bë kërkesës amerikane për asgjësimin e armëve kimike siriane në Shqipëri, është folur për një qejfmbetje e zhgënjim të Departamentit të shtetit ndaj Ramës. Ambasadori Arvizu e ka përgënjeshtruar këtë fakt. Edhe Rama e të vetët kanë bërë të njëjtën gjë. Nuk dhet se si qëndrojnë punët në të vërtetë, por me sa duket, këta të fundit janë me idenë se përgënjeshtrimi nuk ka zënë vend, e prandaj herë pas here përpiqen të gjejnë e të shesin lajme që konfirmojnë ecurinë e mbarë të këtyre marrëdhënieve. Në këtë funksion duhet parë dhe lajmi i publikuar sot në shumë gazeta lidhur me një kartolinë që Presidenti amerikan, Barack Obama i ka dërguar kryeministrit Rama. Kartolina është një adet rutinor, gjë që duket dhe nga teksti, por lajmi është përhapur si të ishte i një rëndësie të madhe.

Re.Pu.