Nuk do të kthehem më prapa në politikën partiake - thotë Nano, por rikonfirmon ambicje për President

A do të ktheheni aktivisht në politikë? Cilat janë planet tuaja? Cilat janë aspiratat tuaja politike të paplotësuara? – ishte një nga pyetjet drejtuar Fatos Nanos në “Bugajski Hour“ në “AS”, transmetuar këtë mbrëmje. Dhe Nano përgjigjet ndër të tjera: “Mua më duhet të jap një përgjigje që fillon duke shmangur atë që nuk do të ndodhë. Unë nuk do të kthehem më prapa në politikën partiake…”

Ju nuk do të ktheheni, pra! – është pyetja vijuese. Nano thotë:

Nuk do të kthehem!... Sigurisht, unë do të vijoj të jem jashtëzakonisht aktiv në nismat jo-partiake, si një paqebërës, si një paqeruajtës, si një promovues euro-atlantik i vlerave dhe si mbrojtës i standardeve moderne që kanë vërtetuar se janë frytdhënëse në shoqëritë tuaja.

Veçse ca më tej në intervistë në pyetjen: “I vetmi post që nuk keni mbajtur është ai i presidentit të Shqipërisë. A i keni ende këto aspirata dhe siç e thotë shprehja “do vdisni i kënaqur nëse e ushtroni edhe këtë post”?” – Nano thotë:

“Dashtë Zoti, përgjigjja është po. Edhe pse nuk është zyrtarizuar ende, unë ndihem vital për shkak të mbështetjes së gjerë të publikut, gjë që padyshim është domosdoshmëri  për një kryetar shteti efikas që të ushtrojë autoritetin e vet..”

Marrë nga:

http://gazetadita.al/nano-apel-berishes-tete-vite-te-mjaftue...