Ministri Tahiri në “Opinion”: “Ndëshkime për ata që shkelin rregullat e qarkullimit. Problemi po mbitheksohet nga ata që ishin “të paprekshëm”

Ministri i Brendshem Saimir Tahiri ka bërë një ndërhyrje direkte në emisionin “Opinion” ku diskutohej për gjobat e aplikuara nga Policia Rrugore. “Të gjobitesh pa e ditur”, titullohej emisioni në të cilin janë ngritur shqetësimet e shumta për aplikim të gjobave në masë. Për ministrin Tahiri, situata e gjetur me gjoba të papaguara dhe të trashëguara dhe me një situatë pandëshkueshmërie . Madje sipas Tahirit këtë tymnajë e kanë ngritur edhe disa njerëz, të cilëve deri më dje askush nuk guxonte t’u vinte gjobë. Për më tepër, ministri ka theksuar se policia nuk ka asnjë instrument për të kthyer ligjshmërinë përveçse sanksionin, i cili në rastet e shkeljeve rrugore, mungesën e lejes së drejtimit, mund të shkojë deri  në arrestime. Kjo edhe për arsye të numrit të lartë të aksidenteve. Lidhur me çështjen e gabimeve në sistem, ministri ka deklaruar se po punohet për reformuar sistemin, por në kohën që po punohet për këtë gjë, policia duhet të punojë edhe për të garantuar jetën e qytetarëve. Për sa i përket ankesave që ka sot për gjobat, ministri deklaroi se “në masën 70% të tyre, ato janë vënë para muajit shtator”.

s.z