Ministri i Brendshëm: “Në grupin e PD-së ka shumë që duhet të ishin në gjykatë, por i mbron statusi i deputetit”

“Nuk është e këndshme të dëgjosh ish-Kryeministrin të flas për luftën ndaj korrupsionit dhe për rëndësinë e transparencës, kur djali i tij është artikuluar disa herë për afera korruptive, ndërsa vajza e të cilit i dorëzoi një biznesmeni të ardhur nga larg për të investuar në vendin tonë një “faturë” shumë të shëndetshme si çelës të suksesit për biznesin e tij, duke shuar ëndrrat e shumë familjeve shqiptare për t’u punësuar”-kështu është shprehur sot ministri i Brendshëm Saimir Tahiri në seancë plenare duke iu përgjigjur akuzave të opozitës. Përveç akuzave që kanë të bëjnë me familjarët e Sali Berishës, Tahiri  ka thkesuar se mes ekipit të PD-së, ka shumë deputetë që nuk janë në gjykatë vetëm për shkak të imunitetit. “Veç ish-Kryeministrit në sallën e Kuvendit ka dhe ish-ministra, që së bashku me doktorin vetëm falë kartës së deputetit nuk janë në gjykatë duke dhënë llogari për shkeljet e tyre, por që flasin për drejtësi, kur në kurriz mbajnë skandale të tilla si, Gërdeci me 24 viktima…etj”, tha ministri.

s.z