Ministrat dhe deputetët duan kobure (Kolegët na kanë kërkuar mbrojtje me armë - njofton Paloka)

Projektligji "Për armët", që merret në përgjithësi me kushtet për blerjen, mbajtjen, prodhimin dhe tregtimin e armëve dhe municioneve brenda e jashtë territorit shqiptar, ka edhe një kapitull të vecantë lidhur me personat që kanë të drejtë të pajisen me autorizim për mbajtje arme zjarri nga Policia e Shtetit. Projektligji i ri përfshin tek kjo e drejtë edhe deputetët, anëtarët e Këshillit të Ministrave, të Gjykatës Kushtetuese, të Gjykatës së Lartë, Prokurorin e Përgjithshëm zv/ministra, prefektë, kryetarë të qeverisjes vendore, gjyqtarë, etj,

Opozita ka shprehur habi në mbledhjen e djeshme të Komisionit të Ligjeve në Kuvend për këtë kapitull. "Partia Socialiste u pozicionua kundër projektligjit të qeverisë për armët e zjarrit, i cili parashikon armatosjen e ministrave, zëvendësministrave, deputetëve, gjyqtarëve, prefektëve, kryeprokurorit, biznesmenëve etj. Socialisti Fatmir Xhafaj vlerësoi si të panevojshëm armatosjen e deputetëve dhe ministrave" - njofton agjensia e lajmeve BalkanWeb.
Për të mbrojtur draftin në komision ishte zv/ministri i Brendshëm, Arben Ristani. Mbrojtja e tij? Theksoi se drafti në fjalë ka qëllim "përafrimin me direktivat e BE-së". Krah tij doli deputeti demokrats Edi Paloka. "Ai theksoi se pretendimet e PS janë të pabaza në një kohë që zyrtarët dhe policë po vriten. Kemi pasur kolegë që kanë kërkuar mbrojtje me armë", - citon Palokën BW. - A.N.