Mark Frroku kërkohet në Belgjikë si i pandehur. “Gjithçka është shpifje”, thotë ai vetë

Kreu i PDK-së së Shqipërisë, Mark Frroku, i zgjedhur deputet në 23 qershor, është dëgjuar më se njëherë të kërkojë nga maxhoranca që t’i jepet një rol i rëndësishëm në këmbim të votës së tij në parlament dhe të kontributit të tij opozitar para zgjedhjeve. Një përgjigje nga maxhoranca, të paktën publikisht, ka munguar. Dhe qysh nga dje është e lehtë të merret me mend që, me shumë gjasë, kjo përgjigje s’ka për t’i ardhur kurrë. Situata e Mark Frrokut, aleatit të pashpërblyer e të pakënaqur të socialistëve, është komplikuar papritur. Një media belge (“mediat belge, thoshin gazetat tona, por merret vesh se spekullojnë; lajmin e ka dhënë veç një portal, sudinfo.be) ka bërë me dije se do të rihapet gjyqi në ngarkim të Mark Frrokut, të dënuar njëherë vite më parë, kur ai ish me identitet tjetër në Belgjikë.

Për të krijuar një ide të saktë mbi ngjarjen, mund të ndiqni raportimin e dy gazetave, Ditës e Panoramës, në adresat http://gazetadita.al/mediat-belge-deputeti-mark-frroku-i-den... dhe http://www.panorama.com.al/2014/01/10/media-belge-mark-frroku-i-denuar-ne-bruksel-deputet-ne-shqiperi/

Vetë Mark Frroku ka deklaruar menjëherë më pas se “nuk ka asnjë problem me drejtësinë” dhe se “ajo që thuhet është shpifje”

Re.Pu.