M. Nano u shkruan lexuesve të respublica-s

Ka një numër lexuesish që, për çdo shkrim e pas çdo shkrimi, më drejtohen mua. Duke qenë se rëndom në fund të çdo ‘raportimi’ në kolonën ‘Lajme’ ka iniciale në vend të emrit të autorit, lexuesit janë të prirur të besojnë se prapa çdo çifti inicialesh është Mustafa Nano. Por nuk jam vetëm unë. Ka dhe të tjerë, të cilët unë i kam pranuar si bashkëpuntorë, dhe që nga momenti që unë i kam pranuar si të tillë, nuk më shkon mendja t’i censuroj edhe sikur t’mos pëlqejë ajo që shkruajnë. Unë sigurisht mbaj përgjegjësi për të gjitha rastet kur dikush i raporton faktet tjetër për tjetër, por mënyra e shikimit të ngjarjeve, dukurive a personazheve është punë e bashkëpuntorëve. E them këtë që ta dini, e jo që të mendoni se unë “po flak tutje përgjegjësinë për gjërat që shkruhen në këtë website”, apo se unë po maskohem pas inicialeve në rrethanat kur shkruaj gjëra veçantërisht kritike. Madje, mund ta keni vënë re që unë vë emrin tim të plotë, apo inicialet e mija (M.N.) sa herë që bëj vëzhgime të forta kritike.

Sa më sipër e thashë për të gjithë ata që komentet e tyre, pas çdo shkrimi në respublica të nënshkruar me iniciale, i fillojnë apriori me frazën “O Muç Nano, ....”.