Luksi i Ministrive të Krizës, miliona lekë për kartolina

Ka qenë SHekulli që ka bërë një investigim të thjeshtë: sa para kanë harxhuar për kartolina ministrat? Përgjigja: çdo ministri, më së paku 1 milionë lek të vjetra. Për kartolina! Në kohë krize! Në  kohën ku gjithë bota ka kaluar te kartolinat elektronike!

P.Sh.:

Në krye të institucioneve, sipas njoftimit pranë Agjencisë së Prokurimit Publik, qëndron institucioni i Presidentit, i cili ka porositur 400 mijë lekë vetëm zarfe dhe kartolina. Presidenti Nishani ka kërkuar që të blejë një set kartolinë plus zarf 1500 copë. Ndërkohë, kësaj kostoje, i shtohet edhe së paku një 40 lekësh për postë.

Kuvendi ka porositur përveç 300 copë kartolina shqip-anglisht, edhe 100 copë greqisht. Madje në dokumentet e publikuara janë dhënë edhe shembuj të tekstit të kartolinës në gjuhën greke. 

“Me rastin e festave të fundvitit, Ministria e Financave do të zhvillojë procedurën e prokurimit “Blerje me vlerë të vogël“ me fond limit 120,000 (njëqind e njëzetmijë) lekë pa TVSH, me objekt: “Blerje kartolina”- 600 copë”, thuhet në njoftimin e publikuar në APP nga Ministria e Financave.

Ministria e Jashtme ka porositur blerjen e 400 copë kartolina të personalizuara për festat e fundvitit. Fondi limit i vënë prej saj për tenderin e zhvilluar në 18 dhjetor ka qenë  110,000 lekë, pa TVSH.

Ministria e Mjedisit ka zhvilluar procedurën e prokurimit me vlerë të vogël me fond limit 190 000 lekë pa TVSH, me objekt: Blerje Kartolina Urimi për Vitin 2014, copë 900 për nevojat e Ministrisë së Mjedisit. 

Ministria e Bujqësisë, Zhvillimit Rural dhe Administrimit të Ujërave ka porositur blerjen e kartolinave të  urimi për Festat e  fundvitit” në sasinë prej 500 copë, fondi limit i përllogaritur 105 000 (njëqind e pesë mije) lekë pa TVSH dhe 126 000 (njëqind e njëzet e gjashtë mijë) lekë me TVSH. 

Ministria e Energjisë dhe Industrisë ka porositur në fund të vitit 800 kartolina urimi për 2014-n dhe po kaq edhe printime kartëvizitash zyrtare me stemën e MEI-t. Sipas specifikimeve teknike, kartolina duhet të ishte me letër speciale, Sirio Perla e bardhë, me hapje dyshe, ku pjesa përpara të kishte formë prerje sipas dizenjimit që ndodhet në zyrat e ministrisë dhe shkrimin me varak të kuposur. Fondi limit pa TVSh ka qenë parashikuar 100000 leke.

k.c.