Kinezët, partnerë strategjikë të qeverisë Rama, investime në “Rrugën e Arbrit”, portet, HEC-et dhe TAP-in

Përpjekjet për të patur Kinën një partner strategjik në bashkëpunimin ekonomik nuk po reshtin as nga qeveria e re. Nëse kanë dëshirë, kinezët mund t’i “marrin” të gjitha pasi qeveria Rama u ka ofruar ato. Nga portet, tek ‘Rruga e Arbrit’, HEC-et, ujësjellësit, gazsjellësi TAP etj., janë sektorët që bizneset kineze mund të investojnë ose mund t’i marrin me koncesion, sipas takimit të Komisionit të Përbashkët Qeveritar Shqiptaro –Kinez. Për palën shqiptare negociatat i kryeson ministri i Ekonomisë, Arben Ahmetaj, ndërsa për palën kineze, Xu Xiaofeng, zv/Drejtor i Përgjithshëm i Departamentit Europian në Ministrinë e Tregtisë së RP të Kinës. Qeveria shqiptare, në linjë me vendet e tjera të rajonit po synon të tërheqë sa më shumë investime kineze dhe të përfitojë nga fondi kinez i kreditimit prej 10 miliardë dollarësh për vendet e Europës Qendrore e Lindore.

Ajo që e shtyn qeverinë Rama të bëjë këto marrëveshje është se kinezët e njohin terrenin shqiptar që këtu e 70  vite të shkuara. Në situatën aktuale është Kina ajo që zgjedh. Kjo për shkak se pas krizës globale të 2008-ës, e cila nuk e ka prekur në mënyrë të drejtpërdrejtë Kinën, e gjitha bota i ka kthyer sytë nga vendi komunist. Jo vetëm për investime, por disa qeveri europiane kanë kërkuar që qeveria kinezë të blejë borxhin e tyre. Shqipërisë tashmë i duhet të presë një mundësi nga copa e madhe e investimeve kineze që tashmë kanë gjithë botën para.

Zh.