Imami i Prishtinës: Zoti po më shtyn të kandidoj për president të Kosovës

Imami i Xhamisë së Madhe në Prishtinë, Shefqet Krasniqi, ka thënë se kur gjithkush po bëhet në Kosovë president e ministër, pse të mos jetë edhe ai kandidat.  Agjencia "Presheva Jonë" citon Krasniqin të ketë thënë se ai ka njerëz që e ndjekin në një iniciativë të tillë.    "Nëse ata e mbushin nga një autobus, jam i bindur se unë e mbush një tren me njerëzit e mi, jo vetëm shqiptarë, por edhe nga komunitete tjera nacionale e fetare në vendin tonë. Unë, edhe nëse i hyjë politikës, nëse kandidojë për president të Kosovës, do ta bëja këtë jo nga qejfi, por nga zori” - ka thënë imami i Prishtinës.    “Populli im është në vështirësi. E si të mos jetë kur vendi në raportet e listat e organizatave ndërkombëtare zë vendin e parë, si për nga papunësia, ashtu edhe nga korrupsioni, varfëria, prostitucioni, krimi i organizuar etj. Paramendoje: Në vendin tonë për çdo vit hapen nga 300 restorante e bare të natës dhe asnjë fabrikë" - është shprehur Krasniqi.  Shefqet Krasniqi ka theksuar se nuk i ka shkuar të merret me, por sipas tij "zoti gjithkund po të shtyka".    "Nëse kandidoj për president, do të kandidoj për hatër të popullit, nga populli e jo përmes zarfit e angarive tjera. Nëse do të jem president, hicc asgjë mos bëfsha, bile krimin e organizuar do ta kisha luftuar dhe të gjitha vendet arabe do ta njihnin shtetin tonë, sepse atje nuk lobohet, nuk shkohet pa avdes. Dhe, padyshim, pastaj OKB do t’ia hapte dyert menjëherë anëtarësimit të Kosovës” - ka përfunduar imam Krasniqi.    /a.R/