Huffington Post: Ç’po ndodh me Shqipërinë dhe Zonën Ekskluzive Ekonomike? A është në fuqi Marrëveshja e Detit e vitit 2009 me Greqinë?

Zhvillimet e fundit në marrëdhëniet midis Greqisë dhe Shqipërisë janë analizuar edhe nga portali i njohur Huffington Post. Në edicionin grek të këtij portali, në shkrimin me titull “Ç’po ndodh me Shqipërinë dhe Zonën ekskluzive ekonomike” thuhet se nota e protestës e ministrisë së jashtme shqiptare u dorëzua në kohën që është duke u zhvilluar tenderimi për kërkimin dhe shfrytëzimin e hidrokarbureve në detin Jon, dhe kur brenda kësaj vere pritet paraqitja e ofertave. Sipas Huffington Post, kjo lëvizje e Shqipërisë përbën vazhdimin e një historie tjetër, atëherë kur Greqia arriti kaq afër delimitimit për herë të parë të zonës ekskluzive ekonomike me një vend fqinj, por diçka ndodhi në momentin e fundit, nënvizon huffington post. Artikulli përshkruan lëvizjet e opozitës socialiste të kohës dhe anullimin e marrëveshjes nga gjykata kushtetuese e Shqipërisë. “Atëherë pati dyshime serioze se ishte bërë ndëhyrje nga pala turke, duke korruptuar madje edhe gjykatësit, për të influencuar vendimin”- thuhet në artikull. Sipas portalit, Turqia ishte shqetësuar nga arritja e marrëveshjes, pasi ministrja e jashtme greke kishte deklaruar se kjo do të përbënte precedent edhe për caktimin e shelfit kontinental me Turqinë. Huffington Post vëren se pavarësisht anullimit nga Gjykata Kushtetuese shqiptare, marrëveshja formalisht mbetet në fuqi, pa dhënë ndonjë argument në lidhje  me këtë.

http://www.huffingtonpost.gr/sofiapapaioannou/-_524_b_7343030.html

l.m