Gjysma e shqiptarëve, në burg për energjinë elektrike sipas sanksioneve të reja

Nëse vjedh energjinë më shumë se një herë dënohesh deri në tre vjet, por nëse vjedh energjinë për qëllime biznesi, masa e dënimit do të jetë deri në 5 vite burgim. Këto janë propozimet që Ministria e Energjetikës në bashkëpunim me Ministrinë e  Drejtësisë kanë çuar në qeveri. Dënimi në fakt përfshin vjedhjet në rrjetin e energjisë dhe jo mospagesën në kohë të saj. Propozimet e reja parashikojnë sanksione më të ashpra për ata që vjedhin energjinë më shumë se një herë dhe në bashkëpunim, si dhe për ata që dëmtojnë qëllimisht matësin e energjisë. Burgu për këta persona do të variojë nga 1 deri në 5 vite. Përballë këtyre propozimeve drastike, kemi faktin që gati gjysma e konsumatorëve shqiptarë nuk e paguajnë energjinë elektrike, si kur lekët janë mbledhur nga shteti, ashtu dhe kur arkëtimi është administruar nga private. Mbledhja e faturave të energjisë është vlerësuar si një nga tri mundësitë që qeveria ka për të kthyer ekonominë e vendit nga rritja. Automatikisht, në një vit do të gjeneroheshin më shumë se 200 milionë euro likuiditet, por sa e mundshme do të jetë aplikimi real i këtyre dënimeve në terren?

Lexoni edhe në: http://mapo.al/2014/03/26/gjysma-e-shqiptareve-rrezikojne-burgun-per-vjedhjen-e-energjise/

a.k