Deputeti i parlamentit shqiptar, Dule: Ankimimi i Paktit Detar nga ana e PS, “gabim fatal”, çështja çame “nuk ekziston”!

Në një intervistë për Janusz Bugajskin në “Bugajski Hour” (Albanian Screen), kreu i PBDNJ, Vangjel Dule ka bërë një deklaratë të fortë në kufijtë e kushtetueshmërisë, duke e cilësuar ankimimin e marrëveshjes së detit nga ana e PS në Gjykatën Kushtetuese si një “gabim fatal”. “PS-ja bëri një gabim fatal duke keqpërdorur një problem të çështjeve ndërkombëtare në politikën e brendshme. Kemi të bëjmë me këshillën më të keqe për një parti politike...” thotë Dule që shton se “Gjykata Kushtetuese votoi në rrethanat e një sovraniteti dhe integriteti të kufizuar” (?!). Për Dulen, deputet në Parlamentin shqiptar, ajo marrëveshje “ishte e barabartë dhe e drejtë, dhe ishte në favor të të dyja vendeve”

I pyetur për çështjen çame, deputeti i Parlamentit shqiptar, Vangjel Dule, u shpreh shkurt: “S’besoj se kjo çështje ekziston!”

Dule u shpreh kundër koalicionit me parti që “s’e zbatojnë me përpikmëri sundimin e ligjit, dimensionin njerëzor, të drejtat e njeriut dhe të drejtat e minoreiteteve” dhe i ngacmuar nga Bugajski tha se këto janë “AKZ, PDIU dhe politikanë të veçantë në rradhët e dy partive të mëdha...”

k.c.

në foto: 

Vangjel Dule, ministri i jashtëm grek Stavros Dhimas dhe Vasil Bollano