Braho: “Serveri i tatimeve i pasigurtë. Janë konstatuar ndërhyrje të shpeshta nga jashtë”. Ndërkohë ish-shefi i IT-së punësohet në Bashki

Kryetari i Komisionit Partlamentar të Sigurisë, Spartak Braho ka dalë me qëndrime të reja për sa i përket çështjes së serverit të tatimeve. I ftuar në A1 report, Braho ka deklaruar sistemi I ndërtuar nuk përligj as shumën e caktuar për të që sipas tij ishte 10.5 milionë euro. “Ky është një sistem që është marrë një kredi 10.5 milionë euro dhe duhej të ishte një sistem i lartë. Ato hekurishte që janë montuar nuk vlejnë më shumë se 300-400 mijë euro”, ka thënë Braho. Sipas tij sistemi është i pasigurtë dhe se ai është aksesuar disa herë. “Përsa kohë që atje nuk ka back-up dhe ekspertët e IT-së kanë konstatuar ndërhyrje nga jashtë dhe të shpeshta. Është një kompani që është marrë me montimin e saj, me ç'të drejtë thirren dhe futen brenda pa dijeninë e titullares, përse futen brenda e kanë të ndaluar pasi çelsi është unik dhe mbahet sekret. Ata janë gjetur brenda duke punuar tek serverat”, është shprehur Braho. Ndërkohë ai ka dhënë edhe një informacion që duket se ka një prapavijë politike. Sipas kreut të Komisionit të  Sigurisë, kryetari i PD-së, njëkohësisht kryetar i Bashkisë së Tiranës, “Basha e ka punësuar në Bashki ish-shefin e IT-së së Tatimeve”.

Më shumë në: http://www.shqiptarja.com/home/1/braho-n--a1-report-ish-shefi-i-it-s--tatimeve-u-pun-sua-n--bashki-198240.html

s.z