Berisha shpërthen kundër Fules; dhe thotë se “nuk do na jepet statusi as këtë herë”

Në një shënim kilometrik në facebook, Sali Berisha flet për procesin e antarësimit të Shqipërisë në BE, dhe është i sigurtë se nuk do t’na e japin statusin as në verën e këtij viti. Por në këtë shënim bie në sy një sulm që ai i bën Stefan Fules, komisionerit të zgjerimit. Dhe thotë: “kushti i tre ligjeve [ka qenë] një kurth i Stefan Fules, Komisionerit të Zgjerimit, [që është] një diplomat çek i shkollës ruse dhe serbofil, por i papërmbajtur, dhe majtist i thekur; [ka qenë një kurth] për të bllokuar me Edi Ramën Shqipërinë në proçesin e integrimit”.

Dhe prapë më poshtë: “Komisioneri Fule është i papërmbajtur në serbofilinë e tij”.

Ky shpërthim i Berishës në këtë moment besohet se ka lidhje me një si gjysmë-ok që i është dhënë nga eurokratë të ndryshëm (nuk dihet që ndrimi i Fules në këtë mes) idesë së një gjykimi penal të Berishës në Shqipëri.

Shënimi i plotë i ish kryeministrit shqiptar gjendet në linkun https://www.facebook.com/notes/sali-berisha/edi-rama-nuk-ka-interes-integrimin-por-vet%C3%ABm-pushtetin-personal/271659599661621

Re.Pu.