Berisha ikën i injoruar nga Kongresi i EPP-së në Dublin

Si rrallëherë, ish-kryeministri i Shqipërisë, Sali Berisha nuk ka postuar në faqen e tij në rrjetin social “Facebook”, për takimin e Kongresit të Partitë Popullore Evropiane në Dublin. Para nisjes, Berisha paralajmëroi se “do të mbronte protestat e shoferëve të furgonëve”. Por duket se ish-kreu i PD-së nuk ka gjetur hapësirë për të shprehur këtë shqetësim.

Gazeta “Shekulli” raporton për “injorim”, pasi nga fotot e takimit shihet që Berisha as nuk ka shtrënguar duart me liderët e partive të djathta në Evropë. “Ish-kryeministri Berisha arriti vetëm t’i japë duart Julia Timoshenkos, siç duket në një foto, ku ai është me kurriz, ndërsa ish-kryeministrja që mezi  ngrihet nga karrigia. Ka edhe një foto tjetër, të vetme: Sali Berisha në qendër, në krahun e majtë të tij, kryetari i PD-së, Lulzim Basha dhe në të djathtë, ish-këshilltari në kryeministri, Glori Husi. Berisha është i prerë në fytyrë dhe që të tre nuk e fshehin pezmatimin dhe se janë totalisht të injoruar në një qendër ku janë mbledhur përfaqësuesit më në zë të së djathtës dhe qeverive evropiane.” 

S.S