Arvizu takon Berishën me kërkesë të këtij të fundit; takimi zgjat më pak se 30 minuta
Gazetari Top-channel-it, Muhamet Veliu nënvizoi si pa dashje gjatë raportimit të tij live në kuadër të programit Shqip të Xhungës, se takimi mes kryeministrit Berisha e ambasadorit amerikan ishte kërkuar nga i pari. “Këtë lajm na e ka dhënë një burim i yni, por nuk e kemi të konfirmuar nga burime të tjera”, tha Veliu, teksa pamjet filmike tregonin Berishën që kish dalë tek porta e jashtme e kryeministrisë për të përcjellë Arvizu-në. Kish vite që kjo përcjellje kryeministrore e ambasadorit amerikan nuk ndodhte. Berisha u përkul më shumë se ç’duhej, teksa po përshëndoshej, gjë që ai e ka zakon ta bëjë kur është në nevojë në të gjitha takimet me interlokutorë të rëndësishëm. Ndërsa Arvizu-ja mbajti drejtqëndrim. Thjesht i dha dorën.
Takimi zgjati më pak se ç’pritej. Fiks 35 minuta, thoshin të gjitha raportimet, por po të zbresim ecejaket nëpër korridore në hyrje e në dalje, takimi rezulton të ketë qenë më pak se 30 minuta, gjë që do të thotë se nuk kanë patur shumë gjëra për të biseduar. Pas takimit, ambasadori u drejtua për në Kuvend, dhe zuri vend në lozhën e zakonshme, prej ku është duke ndjekur diskutimet e deputetëve.
Re.Pu.
Comments
Përkuljen e ka të tijën ai si
<p>Përkuljen e ka të tijën ai si në Gjermani si i than se ngjante sikur ishte berberë(nuk e dinte ky Amerikani që ky ishte goxha doktor me gjithë atadoktorata) dhe përkulesh aqë shumë thuajse do ti jepnin ndo një bakshishë</p>
Add new comment