Spiropali ka bërë kërdinë në dogana, Rama u detyrua ta largojë me urgjencë, thotë lapsi.al

Largimi i Elisa Spiropalit nga Doganat shqiptare, sipas Lapsi.al, është bërë për shkak se informacione të rezervuara që mbërritën në dorë të kryeministrit Rama, bënin fjalë për një abuzim të tmerrshëm në dogana që arrinte në miliona euro. Disa struktura të informacionit i kanë raportuar numrit një të qeverisë se një grup doganierësh, që njihej si "grupi i drejtoreshës" i kishin hapur rrugë kontrabandës duke përfituar shuma të mëdha në mënyrë korruptive. Kështu, pas shumë vitesh ndërprerje, i ishte hapur rruga zhdoganimeve fiktive të mallrave që vinin nga Kina, ku mendohet se për një maune abuzimi shkonte rreth 30- 40 mijë euro. Deklarimi i ndryshëm nga ai i mallit që hyn në Shqipëri, i hapte rrugë një korrupsioni të pastër, ku ishin të përfshirë një zinxhir funksionarësh publikë, nga doganierët e thjeshtë, tek drejtorët e turnit, shefat e degëve e deri në zyrat qëndrore në Tiranë. Bashkë me mallrat kinezë, nuk mungonte edhe futja e cigareve kontrabandë dhe mjaft shkelje të tjera.

Rama në këto kushte i dha kompetenca të plota numrit dy të doganave, hetuesit të vjetër Zamir Shtylla dhe kërkoi menjëherë largimin e Elisa Spiropalit duke komanduar përkohësisht në vend të saj, zëvendësministren e Financave Irena Beqiraj.

a.l