Isa Boletini do të rivarroset në Vlorë. Vendimi kundërshtohet: “Nuk e bëjnë dot në Veri të Kosovës”. “Po shkelet amaneti i heroit”

Këshilli Organizativ për organizimin e ceremonisë së rivarrimit të eshtrave të heroit kombëtar Isa Boletini, ka vendosur sot që rivarrimi i tij të bëhet në Vlorë më 10 qershor, që përkon me datën e Lidhjes Shqiptare të Prizrenit. Mirëpo disa media në Kosovë raportojnë se ky vedim nuk është pritur mirë nga të gjithë.  “Nuk është vendi që eshtrat e Isa Boletinit të rivarrosen në Vlorë, por ata duhet të rivarrosen në Boletin, sepse aty ai e ka kullën dhe është vendlindja e tij”, thotë Kryetari i Qendrës Rajonale të KLMDNj-së në Mitrovicë, Halit Barani, në një bisedë për Veriu.info.  “Rivarrimi është dashur të bëhet me ceremoni, por kjo nuk mund të ndodh pasi që FSK-ja nuk ka leje të shkoj në veri, pra asaj nuk i lejohet ta kaloj lumin Ibër”, shton ai. Po ëkshtu, sipas koha.net, Kryetari i Shoqatës për Kthimin e Shqiptarëve të Shpërngulur nga Trojet e Veta, Jahja Lluka, ka thënë se “vendimi për rivarrimin e eshtrave te Isa Boletini në Vlorë është shkelje e amanetit të heroit kombëtar”.

s.z