Edmond Tupja: ““Lahuta e Malësisë”, kryevepër. Do të vijë koha që do të ripërshtatet në shqipen e sotme”

Edmond Tupja, përkthyes dhe pedagog në Universitetin e Tiranës ka qenë i ftuari i sotshëm në emisionin “Kromikë e Pambaruar” të drejtuar nga Diana Çuli. Tupja shqetësohet shumë për gjuhën shqipe, deformimin e ligjërimit publik etj., por ai ka folur edhe për letërsinë. Ka hedhur një ide që na kujton fatin e veprës “Këngët e Miloasos” të De Radës, që qarkullon në versionin e përshtatur të shqipes standarde. “Unë jam i sigurtë se “Lahuta e Malësisë” është një kryevepër, por është në dialekt dhe do të vijë koha kur “Lahuta e Malësisë”, kryevepra e Gjergj Fishtës, e shkruar në dialektin gegë të ripërshtatet me gjuhën shqipe të sotme”, parashikon Tupja. Nuk dihet se nga buron kjo qasje, pasi p.sh vepra e Migjenit apo e Ndre Mjedës ka njohur përhapje megjithëse të shkruara në gegnisht.
s.z