Debati, Berisha: “500 fshatarë në Xarë në protestë. Po kërcënohen njerëz”. Kokëdhima: “Zbatimi i ligjit, parim në punën time”

Ish-kryeministri Sali Berisha është përfshirë në debate të ashpra sot në seancën plenare me deputetin socialist Koço Kokëdhima. Shkak janë bërë akuzat e gazetës “Rilindja Demokratike” që botonte në faqe të parë një ndërtesë në bregdet duke e titulluar: “Masakra e Koços”. Kokëdhima ka marrë fjalën duke mbrojtur veten, ai ka shpallur se parimi i jetës së tij në sipërmarrje ka qenë vetëm një: zbatimi i ligjit. “Këtë e dinë mirë edhe ata që kanë bashkëpunuar me mua nga krahu i djathtë”. Berisha nga ana e vet ka replikuar duke hedhur në parlament disa copëza nga ato që mund të quhen “tregime nga Bregu”, meqenëse në stilin e tij, ish-kryeministri foli me siguri të plotë, por pa paraqitur ndonjë fakt apo dëshmi. Gjithsesi, ai ka ecur më tej teksa ka deklaruar se “Koçoja me Edi Ramën kërcënojnë njerëz nga Bregu, i thërrasin dhe u tregojnë gishtin e kokës. Në Xarë 500 fshatarë janë ngritur në protestë sepse ky me Ramën duan t’u marrin tokën për ato planet e mëdha zhvillimore”. I ndjeshëm nga ky brigandazh politik, Berisha ka mbyllur fjalën me një deklaratë kërcënuese: “Guxo t’u prekësh dhe një fije floku dhe ti bashkë me Edi Ramën do të jesh përgjegjës kryesor. Të tregoj unë ty...”.  

Të plotë në: http://www.shekulli.com.al/web/p.php?id=45686&kat=87

s.z