Koloreto Cukali e quan grevën 24 orëshe një turp ‘sindikalist’

Një turp sindikalist e quan qysh në titullin e artikullit të vet të publikuar në Dita opinionisti Koloreto Cukali grevën 24 orëshe të njerëzve të punësuar në transportin urban, që bllokoi e vuri në vështirësi me mijra banorë të Tiranës. Dhe shkruan: “Problemi real që këta grevistë kanë është me… pronarët që nuk i paguajnë. Për këtë është e drejta e tyre jo vetëm të bëjnë grevë, por dhe të sekuestrojnë veglat e punës deri në pagesën e tyre të plotë, sikurse, është detyrë e shtetit që në momentin që një kompani nuk arrin të paguajë rrogat, ta detyrojë të shpallë falimentin. Por, në asnjë prej deklaratave publike të të ashtuquajturve grevistë nuk e kam dëgjuar këtë kërkesë. Ajo që dëgjoj, në fakt, është që sindikalistët grevistët u qajnë hallin… pronarëve (!). Dhe ngrihen kundër… hallexhinjve të tjerë që udhëtojne me urbanë, të cilët janë shtresa më e vuajtur në Shqipëri. Turp! Por ky turp ‘sindikalist’.”

Artikullin më të plotë e keni në linkun http://gazetadita.al/shenim-nje-turp-sindikalist/

Re.Pu.