Meta tek “Zonë e Lirë”, Çili e shesh Kryeministër, Çani President

Ilir Meta, ishte mbrëmë i ftuar në emisionin “Zonë e Lirë” të gazetarit Arjan Çani. Pjesë e panelit të të ftuarve ishte dhe Henri Çili, që e sheh Metën si Kryeministër “shumë shpejt”, ndërsa Çani parashikon që Meta në vitin 2017 zgjidhet President. Ndërsa vetëm Meta me buzëqeshje tha se ndihej mirë si Kryetar i Kuvendit. S.S

 

Intervista e plotë

 

Arian Çani – Ftoj në studio Ilir Metën.

Ilir, Çuli po më thoshte se unë do të rri për Ilirin, edhe pse nuk kam shumë muhabet me të dhe kam qenë kritik i tij, por Monikën e kam pasur në klasë dhe e kam pasur mike të vjetër. 

Ervin Çuli – Kemi qenë një brez dhe miq në shkollë.

Ilir Meta – Unë e uroj për detyrën, sepse nuk kam pasur mundësi ta takoj!

Arian Çani – Nuk miratohet në parlament vendimi për Çulin që u bë drejtor?

Ilir Meta – Jo, por një rezolutë mund të kalojë.

Arian Çani – Ilir, më vjen mirë që ke hequr kravatën sot.

Ilir Meta – Si mund të vija me kravatë këtu.

Arian Çani – E prisja.

Ç’kemi ndonjë gjë, si ke qenë?

Ilir Meta – Mirë, juve?

Arian Çani – Më kishte marrë malli për ty.

Ilir Meta – Mua akoma më shumë.

Arian Çani – Vërtetë?

Ilir Meta – Po. 

Arian Çani – Nganjëherë është mirë kur ndahemi dhe takohemi pas shumë kohësh, sepse na shijon kur ritakohemi.

Ilir Meta - Duhemi më shumë.

Arian Çani – Tani po më vijnë mesazhe, ku më thonë: “Çan, çfarë të ka ndodhur, sepse sot e ke mbushur studion vetëm me njerëz të qeverisë , me njerëz të mazhorancës”. Ju thashë se Meta nuk është i qeverisë, me sa di unë është i mazhorancës, por jo  i qeverisë.

Ilir Meta – Edhe Ervini është i shoqërisë civile.

Arian Çani – Nejse, njerëz të cilët mbështesin këtë qeveri. E kam fjalën njëri nga parlamenti, tjetri nga teatri.

Ilir Meta – Shyqyr që e mbështetët një herë këtë qeveri, sepse keni kaq kohë që po e kritikoni.

Arian Çani – E kam fjalën për ju, sepse po të jetë për mua Ilir...

Besoj se bini dakord me mua që situata politike nuk është mirë.

Ilir Meta – Mund të jetë më e mirë.

Arian Çani – Sinqerisht më thoni, zëreni se nuk jemi në ekran, sikur Ministrinë e Brendshme, pas gjithë këtyre që po ndodhin, tritol gjithandej, ta kishte LSI-ja, situata do të ishte e njëjtë, Ilir? E mendova një ditë vetë këtë muhabet.

Ilir Meta – Mendoj se kjo situatë nuk ka lidhje me atë se kush e ka dhe kush nuk e ka, por me një politizim ekstrem që po u bëhet çështjeve të rendit publik dhe me një...

Arian Çani – Gjithsesi vrasjet janë, apo jo? Tritoli është, nuk është se po shpiket.

Ilir Meta – Ka pasur më shumë më parë.

Arian Çani – Ka pasur më shumë përpara?

Ilir Meta – Po, patjetër.

Nëse bëhen 6-7 deklarata në ditë kundër rendit publik dhe u bëhet njëlloj jehone, qoftë edhe pa dashje për arsye politike aktiviteteve kriminale, atëherë patjetër që gjithë ky amplifikim kthehet në një lloj epidemie.

Arian Çani – Ilir, meqë ra fjala, tani do të bëjmë një pauzë të vogël dhe do të rikthemi.

Përpara se të ikim Ledio, unë jam me studio me zotin Meta, Kryetarin e Kuvendit dhe kryetarin e LSI-së, që na është rikthyer në studio pas kaq kohësh; me zotin Ervin Çuli, mikun tim të vjetër, që është bërë drejtor i Teatrit Kombëtar; me Lorenc Vangjelin, që është prapa kamerave dhe po ndjek me vëmendje të gjitha zhvillimet në këtë studio, dhe me gjithë publikun që na shikon në këto momente.

Rikthemi në studio.

Sapo ka mbërritur Ilir Meta, Kryetari i Kuvendit dhe kryetari i LIS-së, për të dekretuar aktualitetin politik të javës në Shqipëri dhe jo vetëm.

Ilir Meta, mirëmbrëma!

Ju lutem, më thoni si mund të jeni kaq i aftë dhe kaq i urtë sa deri para pak muajsh duhet të mbronit Berishën dhe të shanit Ramën, ndërsa tani duhet të mbroni Ramën dhe të shani Berishën?

Ilir Meta – Këtu ia fute kot, sepse nuk e kam sharë asnjëherë doktorin, që do të thotë se aftësia është për të shikuar drejt së ardhmes dhe për të parë...

Arian Çani – Kur them të shani, jo ta shani personalisht. E kam fjalën që jeni kundër politikisht.

Ilir Meta - Dakord, por korrigjoje. 

Arian Çani – Si ka mundësi që deri para pak muajsh duhet të mbronit Berishën, sepse e kishit në koalicion dhe ishit kundër Ramës, ndërsa tani duhet të mbroni Ramën se e keni në koalicion dhe të jeni kundër Berishës?

Ilir Meta – Sepse politika zhvillohet nëpërmjet marrëveshjeve dhe ato duhen respektuar.

Së dyti, sepse gjithmonë duhet të punosh për të ardhmen dhe të shikosh përpara. Kjo do të thotë se kur punon për të ardhmen gjithmonë gjen pikat  e bashkëpunimit. Ndërsa kur merresh me të kaluarën, ngaqë nuk e ndryshon do të atë, sigurisht që gjithmonë do të gjesh pikat e ndarjes.

Arian Çani – Ndërkohë, mund ta parashikojmë të ardhmen, Ilir.

Ilir Meta – E ardhmja do të jetë më e mirë.

Arian Çani – Sikur ta dija që do të ishte kjo përgjigjja. Jeni naivë të gjithë që mundoheni të bëni plane për të ardhmen, është pamundur.

Për shembull, të kaluarën ne nuk e korrigjojmë dot, sepse një javë më parë në këtë studio ishte një djalë, që ishte me aftësi të kufizuara. Një temperaturë e lartë në moshën 1 vjeç e kishte lënë të pllakosur në krevat, do ta shikoni vetë sesi reagon. Papritur mora vesh që e kishin hequr nga puna LSI-ja dhe fiks të premten e kaluar me një mesazh nga Sipropali, Drejtoresha e Doganave, ai sot është në punë, sepse më solli mesazh.

Elisa Spiropali, Drejtoresha e Doganave, më solli tani mesazh, ku më thotë: “Çani, Klodiani mund të vijë në Drejtorinë e Përgjithshme të Doganave dhe do ta punësojmë në një pozicion të përshtatshëm”.

Meta vetëm merr në punë, nuk heq. Si shpjegohet që për herë të parë po dëgjojmë se dikush po hiqet nga puna nga LSI-ja, ndërsa LSI-ja vetëm merr në punë?

          Ilir Meta – Së pari, duhet verifikuar rasti. Ju duhet të thërrisni...

          Arian Çani – Është e sigurt, se ai djalë nuk gënjen.

          Ilir Meta – Nuk po them se ai gënjen.

          Arian Çani – Më erdhi mesazhi. Thotë se sapo e ka e marrë Elisa në punë.

          Ilir Meta – Elisa ka bërë shumë mirë... Por duhet verifikuar se përse është hequr, nëse është hequr. E para. E dyta, çfarë mund të them unë është se LSI-ja as heq, as vë në punë.

          Arian Çani – As heq, as vë në punë?

          Ilir Meta – Në rast se LSI-ja identifikohet me një drejtor të caktuar, në rastin konkret zoti Bezhani, atëherë është e drejtë e institucionit që e ka emëruar për të verifikuar këtë rast dhe për të hequr edhe Viron Bezhanin, nëse vërtet ka vepruar në kushtet e një mosndjeshmërie dhe papërgjegjshmërie.

          Arian Çani – Jo, mos e bëj këtë gjë. Nuk dua që Viron Bezhani të ikë nga puna dhe të bëhet shkak ky emision.

          Ilir Meta – Në rast se ai është sjellë në mënyrë të pandjeshme dhe të papërgjegjshme, pse jo!

          Arian Çani – Do t’jua kërkoja personalisht që të mos e bëni këtë gjë, sepse duket sikur shkaktari i heqjes nga puna të Vironit, nëse do të ndodhë, është ky emision dhe unë nuk dua të bëj dëm, sepse dua vetëm të bëj mirë në këtë histori.

          Ilir Meta – Ose ai duhet të vijë të japë një shpjegim këtu të ju.

          Arian Çani – Dakord. E ftoj javën tjetër. Do të ftoj edhe Vironin, edhe atë djalin. Jemi që jemi dhe ata i japin dorën njëri-tjetrit dhe kështu vazhdon kjo histori të lumtur dhe të kënaqur që të gjithë. Ai gjeti punë...

          Ilir Meta – Më pëlqen që edhe ti je për pajtime.

          Arian Çani – E gjithë kjo luftë, Ilir: përse, në fund të fundit? E ke parë, kur jemi në avion, se sa të vegjël dukemi?

          Ilir Meta – Edhe unë kështu mendoj.

          Arian Çani – Meqë ra fjala, Ledio ka ca video për qejfin tonë, që do t’i komentojmë bashkë menjëherë sapo t’i shohim.

          (Inserte televizive.)

          Sjellja juaj me doktorin është komplet ndryshe: e lini të flasë sa të dojë. Jeni i dashur me të, buzëqeshni. Edhe ai ju buzëqesh herë pas here. Është vënë re nga të gjithë kjo.

           Ilir Meta – Nuk kam frikë nga këto gjëra që i bëj hapur dhe me bindje, sepse doktori është një institucion i veçantë politik. Është lideri shpirtëror, të paktën i opozitës, se nuk do të thosha në të gjitha drejtimet, pasi do të thoshin se po bëj diversion brenda opozitës. Unë kam edhe një periudhë 4-vjeçare bashkëpunimi me doktorin. Nëse unë do të thosha se mbaroi koha, se duhet tëë ndërpritet fjala, ju do të thoshit, por mirë si shpjegohet që ky Meta, katër vjet bashkë, sikur të ishte pak më shumë tolerant. Unë them më mirë të më akuzoni për tolerancë sesa për arrogancë ndaj opozitës. Kjo është pjesë e ndryshimit që ka ndodhur, mendoj unë.

          Arian Çani – I mençur. Po kur nuk vjen doktori në parlament, ti mërzitesh?

          Ilir Meta – Të gjithë e ndjejmë mungesën e tij.

          Arian Çani – Ka një feeling mes jush. Dallohet. Ndoshta edhe ju vetë nuk e dini, por ajo dallohet në ajër. Po ç’rëndësi ka: janë gjëra që i takojnë së kaluarës. Të ardhmen nuk e dimë dot kurrë.

          Ledio, të shohim një video tjetër. Shyqyr që na erdhi zoti Meta!

          (Inserte televizive.)

Arian Çani – Kjo gjë ndodhi fiks në godinën tuaj, sepse ju jeni shefi i asaj godine. Ju lajmërojnë kur ka sherre, ju thonë për shembull: Ilir, pati një sherr që për pak përfundoi me grushte e të tjerë e të tjerë?

Ilir Meta – Natyrisht, ne informohemi edhe nga shërbimet e Kuvendit. Këto lloj debatesh nuk janë të mira, ashtu sikurse nuk janë të mira edhe në parlament tejkalimet e fjalorit, ose kur përmenden familjarët. Por këto janë pjesë e debatit dhe nuk është se gjëra të tilla ndodhin vetëm në Shqipëri, ndodhin edhe në vende shumë më të zhvilluara.

Arian Çani – Ilir Meta, ju vetë jeni dakord me këtë që thotë Sajmir Tahiri, ministri i Brendshëm, që e ka fajin SHIK-u që nuk më informon? Ju jeni një pushtetar i vjetër në këtë vend, e njihni qeverinë.

Ilir Meta – Kjo është një çështje që duhet të verifikohet, sepse besoj se edhe ministri i Brendshëm e thotë në bazë të një vlerësimi që ka për shkak të detyrës.

Arian Çani – Pra, nuk është se po e politizon ai vetë situatën duke futur edhe SHIK-un në lojë? SHIK-u të merret me tritol, me vrasje? Aq më tepër që SHIK-un e kanë amerikanët, ata nuk do të merren me punët e brendshme të Shqipërisë, do të merren me gjëra të tjera.

Ilir Meta – Unë besoj se SHISH-i ka nevojë të jetë një institucion edhe më rezultativ, më efektiv dhe më bashkëpunues me qeverinë. Këtë e kam në përgjithësi, sepse gjithmonë ka pasur një tendencë, dhe kjo është historike në Shqipëri, nuk ka të bëjë thjesht me drejtimin aktual të SHISH-it që, mbasi emërohet drejtori i SHISH-it, gjithmonë merr një pozicion pak si larg qeverisë në emër të mbrojtjes së pavarësisë së institucionit. Sigurisht që pavarësia është e rëndësishme, por detyrimet e SHISH-it janë pjesë e ekzekutivit.

Arian Çani – Ledio, kemi ndonjë video tjetër ta komentojmë me Ilir Metën? (Transmetohet videoja.)

Unë e dija që ishte basketbollist, piktori e mbante mirë topin me kokë.

Ilir Meta – Normal, se viti 2014 është viti i Brazilit, janë në kuadër të përgatitjeve.

Arian Çani – Me Ter Kokën në Elbasan ku ishte.

Ilir Meta – Pse jo?

Arian Çani – Si e ndjeve veten kur e pe këtë moment, the me vete pse të mos isha unë atje?

Ilir Meta – Unë isha gati për të bërë ndonjë tre pikësh.

Arian Çani – Isha gati të bëja edhe një tre pikësha, tha.

Ilir Meta – Jam shumë mirë në basketboll.

Arian Çani – Vërtet?

Ilir Meta – Po, po, mund të pyesni, se keni shumë shoqëri. Mua më pëlqen shumë.

Arian Çani – A mund të luajmë ndonjë ditë?

Ilir Meta – Patjetër.

Arian Çani – Ledio kemi video tjetër? Ta komentojmë me Ilir Metën aktualitetin politik të javës. Ka dalë sot në të gjitha mediat, është mesazhi i Tos Nanos që i dërgon Tur Zhejit dje te emisioni i Fevziut.

Ilir Meta – Unë nuk besoj te vërtetësia e këtyre mesazheve. Do ta them historinë. Është një miku ynë shumë i dashur, ti e di atë historinë e atyre mesazheve, me të cilat u ngatërrua gjysma e Shqipërisë.

Arian Çani – Më ka ardhur edhe mua. Aty del Ilir Meta, po nuk është Ilir Meta.

Ilir Meta – Të vjen në telefon mesazhi me numrin tim, të del edhe numri im aty dhe pretendon që Ilir Meta më çoi këtë mesazh.

Arian Çani – Ti mendon se është një truk. Nano nuk është ky lloj tipi për të përdorur këto lloj fjalësh.

Ilir Meta – Vetëm Nano nuk i përdor këto fjalë.

Arian Çani – Atë them edhe unë, është truk, mos e besoni. Edhe unë dyshova për një moment, Tos Nano të përdorë këto fjalë? As që bëhet fjalë.

Ledio, çfarë kemi tjetër që ta komentojmë me Ilir Metën, jemi që jemi këtu.

Ledio- Jo, kaq janë Çani.

Arian Çani - Ilir, meqë ra fjala, a mund të quhet kjo qeveri me dy kryetarë apo është Rama ai që vë veton për çdo gjë? Ma thuaj sinqerisht e shkurtimisht,

Ilir Meta – Qeveria ka një kryeministër.

Arian Çani – Kush është? A, Ed Rama.

Ilir, e di që Edi Rama ka 10 vjet që nuk përgjigjet në telefon. Këtë e di se dikur, kur kam pasur fiksim me të, e shikoja si bënte me të tjerët, unë vetë i çoja mesazhe, ishte e pamundur që ta kapja. Kur them “miqësi” e them në thonjëza se ku ka njeri miqësi me atë, por fjala që bie kur kisha muhabet. Ai vetëm me mesazhe operon dhe komunikon vetëm me ata që do. Ti vetë, kur dëshiron ta marrësh ne telefon Kryeministrin, tani që je Kryetar Kuvendi, si ia bën? I çon mesazh?

Ilir Meta – Edhe kështu ndodh.

Arian Çani – Po të duash ta marrësh në telefon ai nuk përgjigjet, apo jo? Ka një numër vetëm për ty.

Ilir Meta – Edhe përgjigjet. Njeriu nuk mund të rri gjithë ditën në telefon, edhe unë tani nuk mund të përgjigjem, nuk mund të më kapësh gjithë kohën në telefon, sepse mund të jem në ndonjë takim, në ndonjë aktivitet.

Arian Çani – E ka të hapur telefonin për ty?

Ilir Meta – Ka raste edhe që hapet.

Arian Çani – Ndërkohë është e vërtetë, me sa kam të dhënat e mia, nga stafi im më thonë se Ilir Meta bën mbi 100 sms në ditë dhe i përgjigjet çdo telefonate.

Ilir Meta – Asnjëherë nuk i kam numëruar.

Arian Çani – Është bërë një mesatare.

Ilir Meta – Nuk e di.

Arian Çani – Kemi marrë tabulatet.

Ilir Meta – Nuk ka asnjë problem. përpiqem të komunikoj sa më shumë të jetë e mundur, por natyrisht është e pamundur t’u përgjigjesh të gjithëve.

Arian Çani – U përgjigjesh vetë, Ilir? Jo e të gjithëve, po sigurisht.

Arian Çani – Ndoshta këtu qëndron dhe forca e LSI-së?

Ilir Meta – Nuk qëndron forca e LSI-së këtu, por tek ato që përfaqëson dhe tek kujdesi ndaj njerëzve në tërësi. E rëndësishme është që të gjithë drejtuesit e LSI-së të jenë të vëmendshëm dhe të ndjeshëm ndaj njerëzve.

            Arian Çani – Është e rrallë kjo gjë kur e bën kryetari vetë. Sot ka humbur,  është në zhdukje kjo histori, ky lloj prototipi politik.

Ilir Meta - Është edhe presioni i kohës, se ndonjëherë të merr shumë kohë dhe të lë pa bërë gjërat më të rëndësishme, që kanë  vlerë dhe për të tjerët.

Arian Çani – Të bëj një parantezë, se për pak harrova. Është dieta Dunkan kjo që të ka bërë kaq...

Ilir Meta – Është një element, por kryesorja është kujdesi. Çdo gjë është bilanc.

Arian Çani –  Dhe ushqimi. Na ke bërë ziliqarë të gjithëve, ti e di.

Ilir Meta – Të shpresojmë të mos ktheheni në të kaluarën edhe në këtë drejtim.

Arian Çani – Është fantastike kjo që ke arritur.

Ilir, në fakt kur ikët nga doktori, ju u thatë njerëzve të LSI-së sakrifikoni 3 muaj që të jeni në punë 12 vjet. A është e vërtetë, Ilir Meta, që sot për të gjetur një vend pune duhet të jesh anëtar i LSI-së? Perceptimi është që Ilir Meta, LSI-ja të gjen punë. Ju e pohoni këtë perceptim sot këtu apo e rrëzoni?

Ilir Meta – Unë nuk mundem as ta pohoj dhe as ta rrëzoj, sepse varet në cilin kuptim e shohim këtë çështje, por kryesorja për LSI-në nuk është punësimi, në kuptimin e heqjes së disa qytetarëve që janë në punë dhe  vendosjes së disa të tjerëve që janë përkrahës të LSI-së. Kryesorja është punësimi, në kuptimin e rritjes ekonomike dhe të mundësisë për të hapur vende të reja pune, sepse nuk ka zgjidhje të punësimit në Shqipëri me formulën hiq disa dhe vër disa të tjerë.

Arian Çani –  Ilir, deri në momentin që kjo rritje e punësimit nuk ekziston akoma, sigurisht që duhet të hiqni disa që të vijnë disa të tjerë.

Ilir Meta - Kjo është një çështje tjetër, por çdo gjë duhet bërë në bazë të kritereve. Jam kundër heqjeve thjesht për arsye të karakterit...

Arian Çani – Si shpjegohet, Ilir Meta, që edhe ata që i keni pasur armiqtë tuaj më të betuar politikë me kalimin e viteve, po ta vësh re, janë bërë miq me ju. Këtu e kam fjalën për Nanon, doktorin, Ramën. Me këtë të fundit nuk i dihet asnjëherë, por çfarë rëndësie ka, ju jeni bashkë. Çfarë ka ndodhur? Është koha, që është ilaçi i gjithçkaje, apo jeni ju që keni ndryshuar?

Ilir Meta – Politika asnjëherë nuk ka pasur, nuk ka dhe nuk do të ketë armiq. Mund të ketë kundërshtarë, patjetër, kjo është normale, është pjesë e politikës. Pra, është e vërtetë, por unë nuk e shikoj asnjëherë kundërshtarin si armik, ndërkohë që, për fat të keq, kemi ende politikanë që i armiqësojnë raportet pa qenë fare e nevojshme, absolutisht. Mendoj se duhen ruajtur disa

norma në këtë lojë politike dhe duhet parë gjithmonë drejt së ardhmes dhe kudo, edhe tek partnerët, por edhe të kundërshtarët duhen parë elementet më pozitive.

            Arian Çani – Ilir Meta, në prag është reforma administrativo- territoriale që, me sa duket, është shumë e rëndësishme për zhvillimin e vendit, por sidomos për zgjedhjet në Shqipëri, zgjedhjet lokale dhe politike. Ju vetë si Kryetar Parlamenti a do të vini veton që kjo reformë mos të kalojë vetëm nga maxhoranca, pra nga ju dhe nga Edi Rama, por të bëhet pjesë patjetër edhe opozita? Apo nuk ka rëndësi, votat i keni dhe do e kaloni? Çfarë garancie jepni sot?

            Ilir Meta – Ne kemi  hequr veton nga maxhoranca dhe ia kemi dhënë veton opozitës, që do të thotë se për herë të parë kemi një komision bipartizan, 8 anëtarë nga maxhoranca, 8 anëtarë nga opozita, 2 bashkëkryetarë, një nga PS-ja, që është miku juaj dhe imi, zoti Fino, dhe një nga Partia Demokratike, që mbetet të përcaktohet prej saj. Natyrisht asnjë vendim nuk mund të konsiderohet i vlefshëm pa pasur përkrahjen dhe mendimin e opozitës, sidomos për një reformë që mbështetet nga komuniteti ndërkombëtar, nga SHBA-ja, BE-ja, qeveria e Zvicrës, që po financojnë për këtë reformë të domosdoshme. Shqipëria ka 385 bashki dhe komuna, ndërkohë që Kosova ka vetëm 37, ndërkohë që Maqedonia ka vetëm 80, ndërkohë që Mali i Zi ka vetëm 21 dhe 150 njësi vendore. Komunat në Shqipëri nuk mbledhin as 1% të të ardhurave të tyre dhe ndërkohë pjesa më e madhe e shpenzimeve janë kosto administrative. 80 milionë dollarë do të përfitonte vendi në një mandat të pushtetit vendor vetëm si rezultat i kursimit të kostove administrative, përveç të tjerave.

Arian Çani – Kjo është çështje që do të hajë debat me siguri, se  vetëm sa ka filluar. Në fakt, meqë kemi hyrë në aktualitetin politik të javës, më thoni ju lutem: dini gjë, edhe pse jeni kryetar parlamenti dhe nuk jeni pjesë e qeverisë, cilat janë kompanitë që do t’u shlyhen detyrimet në 2014-n? Sepse biznese pa fund janë të interesuara për të ditur, ngaqë Rama ka thënë se procesi do të vazhdojë 3 vjet, duke filluar nga ato më të vjetrat dhe deri tek më të rejat. Dini gjë?

Ilir Meta – Nuk e di dhe kjo nuk është fare e rëndësishme për mua. E rëndësishme është që qeveria e re e ka prioritet numër një shlyerjen e këtyre detyrimeve dhe për këtë do të përcaktohen të gjitha kriteret, që janë bërë të ditura.

Arian Çani – Pra, nuk kemi asgjë konkrete, nuk dimë asgjë?

Ilir Meta – Jo, konkrete nuk ka, por konkrete është kjo që do të ndodhë në mënyrën më transparente.

Arian Çani – A mendoni edhe ju se qeveria nuk i pa siç duhet interesat e biznesit dhe të një pjese të qytetarëve, të cilët paguhen mbi 1 milion e 200 mijë lekë në muaj kur bëtë këtë paketën e re fiskale. Kam parasysh ministrin Cani që një javë më parë doli dhe kërkoi falje duke thënë se u nxitua dhe që do ta rregullojnë prapë.

Ilir Meta – Ministri kërkoi falje, në kuptimin tim, për aq sa e kam ndjekur, për faktin se do të kishte pasur dëshirë që të kishte një kohë më të gjatë në dispozicion për të diskutuar të gjitha këto masa e ndryshime që u bënë me komitetin e biznesit, me grupet e interesit etj. Koha ishte shumë e shkurtër, për arsye sepse për një kohë të gjatë qeverisë së re iu desh të negocionte me Fondin Monetar Ndërkombëtar dhe deri diku me Bankën Botërore. Buxheti duhet të kalohej, sepse edhe presioni ishte i madh nga opozita, por normalisht duhet të kishte kaluar më përpara, pra brenda afateve ligjore, kështu që hapësira e kohës ishte vërtet tepër e ngushtë, gjë që nuk do të ndodh në të ardhmen. I gjithë programi i qeverisë synon të ndihmojë biznesin përmes ristrukturimit të ekonomisë dhe jo rëndimin e tij. Për shembull, marrim një rast, për të vetmen taksë që pati një shqetësim, për rritjen e tatimit për biznesin e madh, se për të tjerat pati vetëm favorizime, ka një rritje nga 10 në 15% dhe në qoftë se vlera në total që do të paguaj biznesi i madh për këtë 5% që rritet është gati 70 milionë dollarë, të mos harrojmë që përfitimi për shlyerjen e borxheve do të jetë të paktën 350 milionë dollarë.

Arian Çani – Domethënë ti je dakord me këtë paketë të re fiskale?

Ilir Meta – Askush nuk do të dëshironte taksa, por dihet njeriu në këtë botë vetëm nga dy gjëra nuk shpëton dot: vdekja dhe taksat.

Arian Çani – Nga mënyra e re e taksimit, se nuk jemi kundër taksave.

Ilir Meta – Unë nuk jam partizan i kthimit në betejë ideologjike të çështjes së taksave, sepse kjo asnjëherë nuk shërben, por, në fund të fundit, kemi të bëjmë me një bilanc dhe e rëndësishme është që ekonomia të dalë nga kjo gjendje depresive ku ndodhet dhe kjo nuk mund të ndodh pa bërë disa reforma, nuk mund të ndodh pa rritur të ardhurat dhe unë mendoj se në tërësi të gjithë do të fitojnë nga kjo politikë e re.

Arian Çani – Mirëmbrëma!

Jemi rikthyer me Kryetarin e Kuvendit dhe kryetarin e LSI-së, zotin Ilir Meta, për të komentuar aktualitetin politik në Shqipëri.

Zoti Meta, sipas jush, kush e ka fajin për përmbytjet në Lezhë: zoti Panariti, ministri juaj apo Gjiknuri, ministri i Ramës?

Ilir Meta – As njëri, as tjetri.

Arian Çani – E kanë lezhjanët atëherë.

Ilir Meta – As lezhjanët dhe as shkodranët. Janë një kompleks faktorësh, sepse vetë rajoni është i tillë për shkak të kushteve të terrenit.

Arian Çani – Nuk i evitojmë dot, apo jo?

Ilir Meta – Patjetër!  Gjithashtu, ka edhe përgjegjësi njerëzore, sepse nëse kanalet, hidrovoret ose shtëpitë nuk do të ishin bërë jashtë kushteve...

Arian Çani – Në zonat e përmbytura.

Ilir Meta – Dua t’ju them diçka. Kur isha kryetar i shtabit qeveritar, pata një eksperiencë në një nga përmbytjet më të mëdha, ku mësova nga banorët se përmbytjet kishin qenë edhe më të rënda në kohën e komunizmit, që ishte një shtet shumë më i organizuar dhe shumë më i rregullt.

Arian Çani – Atëherë nuk kishte media dhe nuk fliste njeri.

Ilir Meta – Pra, është një zonë me probleme. Ka disa masa strategjike, siç mund të jetë ndërtimi i Skavicës, që do të ndihmojë shumë për të evituar përmbytjet dhe për të menaxhuar më mirë të gjithë kaskadën e lumit Drin.

Arian Çani – A ka kosto Skavica?

Ilir Meta – Besoj se do të bëhet. Është strategjike dhe ndihmon shumë për të stabilizuar të gjithë kaskadën e Drinit. Të mos harrojmë se rajoni i Shkodrës është një nga rajonet më të mëdhenj ujëmbledhës në vend, aq sa është e bekuar Shkodra për shkak...

Arian Çani – Nejse, ju për momentin nuk jeni kryeministër dhe nuk mund të jepni përgjigje teknike për këtë punë. A jeni dakord me mua, se çfarëdo që të themi këtu përmbytjet do të vazhdojnë edhe në vitet e ardhshme dhe asgjë nuk do të rregullohet, apo jo?

Ilir Meta – Mendoj se shumë gjëra mund të ndryshojnë. Përmbytje kanë ndodhur në Francë, në Çeki dhe në shumë vende të tjera më të zhvilluara se Shqipëria, ku faktorët natyrorë janë shumë të fuqishëm.

Arian Çani – E mbani mend se çfarë bënte opozita e djeshme dhe pozita e sotme kundër jush kur ishit në pushtet para disa vjetësh, kur përmbytej Shkodra? Thoshin se e kishte fajin qeveria, sepse nuk kishte bërë hidrovore. E mbani mend, besoj?

Ilir Meta – E mbaj mend, por ajo që duhet të bëjmë është të marrim disa masa që këto gjëra të mos ndodhin në të ardhmen. Pra, ndërtimi i Skavicës ndihmon shumë.

Arian Çani – Sa kushton?

Ilir Meta – Varet, sepse ka disa variante dhe projekte.

Arian Çani – Eviton deri në një farë mase përmbytjet, por jo tërësisht.

Ilir Meta – Ndihmon shumë për stabilizimin e kaskadës së Drinit, çka do të thotë se është faktor shumë i rëndësishëm, sepse eliminojmë shkarkimin e ujit për shkak të reshjeve të jashtëzakonshme që akumulohen dhe frikën që të mos prishet apo çahet diga, sepse do të ishte fatkeqësi shumë e madhe.

Arian Çani – Ilir, a mund t’ju pyes për diçka? Në Francë, para dy vjetësh, ndodhi një përmbytje afër oqeanit, nuk e di, disa njerëz, pati dhe viktima, u përmbyt një zonë shumë e madhe. U prishën shtëpitë atje, një llahtar i paparë. Erdhi oqeani. Pati një gjysmë cunami atje, të paparë, me shira, me gjëra. Qeveria atje, ishte Sarkozia akoma në pushtet, mori masa, i evakuoi të gjithë njerëzit. Do prishen këto ndërtime, tha, këtu nuk jetohet më. U nxori një fond, ku di unë se sa, miliona, miliarda euro, që të rregullohen e të sistemohen ata njerëz. Ky Rama, a mund ta bëjë këtë gjë, për shembull, ti marrë e t’i evakuojë gjithë ata njerëz atje dhe t’i sistemojë diku tjetër? Ajo ishte zgjidhje për shembull, që atje të përmbytet, por te paktën të mos përmbyteshin njerëzit, të përmbyteshin tokat.

            Ilir Meta – Patjetër, duhen parë të gjitha mundësitë. Natyrisht që ky është problemi me të cilin do të merremi.

            Arian Çani –  Sa banorë janë? Dihet gjë sa janë? Se ndoshta kot e ekzagjerojmë edhe ne, se mund të jenë pak njerëz dhe ç’rëndësi ka që merremi kaq shumë?

            Ilir Meta –  Jo, pa dyshim, sikur dhe një të ishte, ne prapë do të merreshim. Por, natyrisht që bëhet fjalë për disa dhjetëra mijë banorë.

            Arian Çani – Dhe mendo se janë vota të gjitha. Ndikojnë te vota këto përmbytje? Ju që jeni një njohës i mirë i terrenit.

            Ilir Meta – Unë për një gjë dua t’ju siguroj: që ata janë njerëz jashtëzakonisht të përgjegjshëm. Unë i kam parë në një situatë mjaft të rëndë, por do të thosha të ndërgjegjshëm, të përgjegjshëm dhe shumë mirëkuptues. Pra, dinë të dallojnë diçka që ndodh për arsye natyrore. Dinë të dallojnë kur qeveria apo autoritetet vendore janë të përkushtuara për të bërë më të mirën që munden, dhe dinë të dallojnë edhe mungesën e kujdesit dhe papërgjegjshmërinë.

            Arian Çani –  Dhe përveç të tjerave, Ilir, le ta themi, të mos përdorim gjuhë të drunjtë, ata janë njerëz që janë mësuar me ujin, apo jo? Nuk e përjetojnë si tragjedi ujin, apo jo?

            Ilir Meta –  Sigurisht që është një tragjedi herë pas here, sepse u prishen edhe pronat, u prishen edhe shtëpitë, por janë të ndërgjegjshëm, për këtë risk me të cilin janë të detyruar të ndeshen vazhdimisht.

            Arian Çani – Dakord! Ç’është kjo historia e këtij Spartak Brahos, që e pamë në video te Neës 24, Ilir, me atë tjetrin, me Beqirin?

            Ilir Meta – Po çfarë po bënte? S’e kuptoj.

            Arian Çani – Po ç’ishte ajo? S’e mora vesh. Hipte shkallët. U takua me këtë Briseidën, me këtë të tatimeve.

            Ilir Meta – Po çfarë të keqe ka?

            Arian Çani – E ke parasysh? Doli një herë lajmi para dy muajsh, që janë futur në server. E ke parasysh? U futën  në server dhe u dyshua për këtë Rinaldin që ishte te studioja ime, që e ka bërë ai.

            Ilir Meta – Po.

            Arian Çani –  Pastaj u pa videoja që në fakt s’i ka bërë Rinaldi. Janë futur këta të dy te serverat.

            Ilir Meta – Më duket se s’ke parë dhe videon tjetër që ka dalë tek Ora Neës.

            Arian Çani – Ka dalë video tjetër?

            Ilir Meta –S’e ke parë atë që ka nxjerrë baba Taku?

            Arian Çani – Kush ka dalë? Ka dalë baba Taku? Baba Taku

 është Spartak Braho.

            Ilir Meta – Ai  do të hapë çantën tjetër tani.

            Arian Çani – Po çfarë ka? Ka nxjerrë ndonjë video baba Taku?

            Ilir Meta – Po, ka nxjerrë një tjetër, që nxjerr disa gjëra të tjera. Po kjo është një çështje me të cilën merret prokuroria. Ta mbështesim. Në një gjë dua të shpreh bindjen time.

            Arian Çani – Ilir, ju që jeni mjeshtër i paparë i pushtetit dhe e njihni mirë si funksionon...

            Ilir Meta – Më fal?

            Arian Çani – Kur futen duart në servera, Ilir, për çfarë arsyeje futen?

            Ilir Meta – Unë këtë gjë nuk e di dhe nuk më intereson. Ajo që di unë, dhe e them me bindje të plotë, është: mjafton të ekzistojë vullneti i plotë, i prokurorisë në radhë të parë, dhe absolutisht kërkohet ekspertiza e duhur, mundësisht ndërkombëtare.

            Arian Çani – Prapë ndërkombëtarët?

            Ilir Meta – Po, ndërkombëtare, jo ndërkombëtare kot fare. Ndërkombëtare, ndërkombëtare dhe absolutisht të jesh i sigurt se gjithçka del. Sepse çdo ndërhyrje në sistem lë gjurmë. Dhe çdo gjë që mund të jetë fshirë rikuperohet. Kjo është e padiskutueshme. Tani baba Taku, dihet baba Taku...

            Arian Çani – Po ç’është kjo histori? Ky baba Taku është personazh i paparë. Tani është deputet i Ramës ai.

            Ilir Meta – Po nuk bën veprime të gabuara. Jo. Është shumë i kujdesshëm me ligjin.

            Arian Çani – Vërtetë? Është edhe jurist, prandaj.

            Ilir Meta – Patjetër. Edhe kryetar i Komisionit të Sigurisë Kombëtare.

            Arian Çani – Tani, qeveria di gjithçka, apo jo, për katër milionë e ca biznese.

            Ilir Meta – Këtë gjë nuk e di. Kjo është një gjë që e ka Ministria e Financave, Drejtoria e Tatimeve.

            Arian Çani – I kanë marrë pra gjithë të dhënat

            Ilir Meta – Është çështje e tyre. I ka prokuroria.

            Arian Çani – Në çfarë shteti interesant po jetojmë, kur e mendon.

            Ilir Meta –  Normalisht, shtet demokratik.

            Arian Çani – Po, po. Shumë.

            Arian Çani – Pikërisht kjo është demokracia. Kjo. Për këtë kemi votuar. E meqë ra fjala, Ilir, jam kurioz ta di, me Berishën i dimë marrëdhëniet, se i shohim në parlament, janë të ngrohta, miqësore, ka buzëqeshje, etj, etj., është ai feeling që thashë unë; normal,  me Lul Bashën, sinqerisht, sikur jeni ftohur pak këto kohët e fundit. Keni pasur një lloj simpatie për atë djalë, dhe ai për ju. Tani jeni kundërshtarë politikë të rreptë, sepse ai thotë qeveria Rama-Meta. Doktori e thotë atë, sigurisht, por e thotë edhe Basha, ndërkohë që Basha nuk e thoshte përpara. Mundohej të ishte i kujdesshëm. Tani ju ka përfshirë edhe ju. Çfarë ka ndodhur realisht?

            Ilir Meta – Nuk është ky problemi apo shqetësimi im, sepse në politikë duhen pranuar e mirëkuptuar të gjitha. Ajo që unë shpesh nuk kuptoj te zoti Basha si kryetar i ri i Partisë Demokratike, është se përpiqet të bëhet ai që në fakt nuk është si natyrë, duke qenë shpeshherë i ashpër në retorikat e tij, duke u përpjekur të vazhdojë me stilin e doktorit. Por ai doktor nuk bëhet dot.

Arian Çani – Nuk ka shumë stilin e doktorit.

Ilir Meta – Në kuptimin se nuk i shkon ai stil. Prandaj do të qe më mirë të ishte më konstruktiv.

Arian Çani – Po ndoshta nuk ju takon juve ta thoni këtë gjë për Bashën, ju që keni vuajtur shumë nga njëshat historikisht në jetën tuaj.

Ilir Meta – Jo, jo!

Arian Çani – Ju që në vetvete jeni një lider dhe asnjëherë nuk ju kanë pranuar si të tillë dhe ju kanë luftuar, Ilir.

Ilir Meta – Absolutisht, jo!

Arian Çani – Mos ndoshta ju duhet të ishit pak më i mirëkuptueshëm në këtë drejtim, të paktën ju?

            Ilir Meta – Unë mendoj se zoti Basha duhet të sillte një profil të ri të kryetarit të Partisë Demokratike dhe të opozitës.

            Arian Çani – Po e sjell. Simpatik është, i lezetçëm është Lul Basha, pse?

            Ilir Meta – Çfarë mund të sjellë kur bojkoton komisionin e Reformës Administrativo-Territoriale?

            Arian Çani – Ia futën dy herë, Ilir, tani. Dy herë për dy reforma.

            Ilir Meta – Po çfarë lidhje ka me reformat? Nuk ka lidhje me reformat.

            Arian Çani – Ka lidhje, ka.

            Ilir Meta – Nuk ka fare lidhje me reformat.

            Arian Çani – Shyqyr kemi një opozitë, se ndryshe do të ishte tmerr në këtë vend tani. Mos thuaj që nuk duhet fare opozita.

            Ilir Meta – Shiko, Çani, po të jetë për bojkot, ne kemi doktorin. Nuk kemi nevojë për... Kur them ne, jo ne si maxhorancë, por ne si qytetarë.

            Arian Çani – Doktori dhe Basha janë bashkë, Ilir.

            Ilir Meta – Ose po të jetë për të bërë një politikë të ashpër dhe përjashtuese, kemi doktorin. Unë them se zoti Basha si kryetar i Partisë Demokratike duhet të sjellë një vizion të ri dhe duhet të jetë shumë konstruktiv. Natyrisht, nuk do të biem dakord për çdo gjë, sepse prandaj rolet janë të ndara, por marrim një rast konkret. Dëgjova pardje teksa thoshte: “Do të dal nëpër rrethe të flas me qytetarët për reformën administrative dhe territoriale”.

            Arian Çani – Përse, nuk ka të drejtë?

            Ilir Meta – Të drejtë ka, por nuk ka të drejtë t’i braktisë qytetarët dhe përkrahësit e tij dhe të mos vijë në një komision, ku edhe pse ka 50 deputetë në parlament, ka të drejta të plota dhe ka veton në komision dhe gjithçka. Ka bashkëkryetarin, ka 8 anëtarë Partia Demokratike dhe 8 anëtarë i ka maxhoranca, dhe ka çdo gjë. E ka më të lehtë...

            Arian Çani – E qartë, e qartë, ma tha një ditë. Këto janë çështje... Nuk dua t’u futem këtyre, se këto janë taktika politike, parlamentare.

            Ilir Meta – As unë nuk u hyj.

            Arian Çani – Nuk do t’u hyni? Unë flas në parim tani.

            Ju vetë jeni ftohur me Bashën, pra nuk keni më asnjë komunikim? Zero?

            Ilir Meta – Ftohur? Çfarë do të thotë ftohur?

            Arian Çani – Ftohur, domethënë nuk ka komunikim njerëzor.

            Ilir Meta – Në drejtim të komunikimit ishim ftohur edhe bashkë. Shyqyr që u ngrohëm sot.

            Arian Çani – Bashkë nuk jemi ftohur asnjëherë.

            Ilir Meta – E pata në kuptimin e komunikimit, të afërsisë.

            Arian Çani – Ju me Bashën nuk keni më komunikim, e keni zero?

            Ilir Meta – Kemi ndonjë komunikim të karakterit formal, spontan, ndonjë pritje...

            Arian Çani – Kur takoheni kështu rastësisht.

            Ilir Meta – Unë e respektoj si kryetar të Partisë Demokratike dhe si kryetar të bashkisë. Dihet që unë edhe e kam votuar si kryetar bashkie. Nuk kam asnjë problem, por si kryetar i opozitës, natyrisht, më zhgënjen. Këtë mund ta them pa frikë.

            Arian Çani – Dakord.

            E di, Ledio, e di. Jemi të detyruar të bëjmë disa pauza.

            Por para se të bëjmë një pauzë tjetër, kam edhe një pyetje për zotin Meta.   Çfarë është kjo marrëveshja me Maqedoninë, nëse keni dëgjuar gjë, që e bën Ali Ahmetin president dhe e lejon Kryeministrin maqedonas të bëjë disa hidrocentrale mbi lumin Drin, apo janë të gjitha thashetheme këto?

            Ilir Meta – Besoj se janë në kuadrin e thashethemeve, sepse nuk besoj që vetë Ali Ahmeti do të pranonte të bëhej president, në mënyrë që të bëhej një investim që mund të dëmtonte shqiptarët e Maqedonisë.

            Arjan Çani – Dakord.

            Ledio, unë me Metën do të bëjmë një pauzë të vogël tani dhe me të gjithë njerëzit që janë me ne në këto momente që po na shohin, sepse biseda vazhdon. Ende nuk kemi hyrë në zemrën e bisedës, por do të ikim pak te Kaseli, sepse duhet ta dini, të gjithë ju që ndërtoni nga shtëpitë e vogla fare deri te shëtitë e mëdha skelat me qira quhen vetëm Kasel, asgjë tjetër. Ja, shikoni.

            Ne do të rikthehemi pas pak me Ilir Metën, zonja dhe zotërinj, kryetari i Kuvendit shqiptar dhe kryetar i LSI-së për të vazhduar të komentojmë aktualitetin politik dhe jo vetëm, në Shqipëri, dhe jo vetëm.

            Arian Çani - Jam në studio me Ilir Metën, Kryetarin e parlamentit shqiptar dhe kryetarin e LSI-së për të komentuar mbi ngjarjet politike të javës në Shqipëri dhe jo vetëm. Ora në këto momente që po flasim është 23:15 dhe ftoj në studio  pa humbur  kohë  për të ndjekur vazhdimin e bisedës sime me Ilir Metën katër miq nga UET-ja.

          Ftoj ne studio  Elira Selimin, Maria Elena leka, Flavio Barçin dhe Henri Çilin.

          Mirëmbrëma, Çili dhe të dashur studentë. Rikthimi i UET-së në momentin e transmetimit, ato shkojnë te UET-ja nuk kanë  ku shkojnë tjetër. Të gjithë atje transferohen në këtë moment. Keni vetëm një muaj kohë dhe nxitoni, ndërkohë që zoti Ilir dua të të kujtoj një detaj të vogël, keni vite tashmë, nuk e di se sa u bë, dhe sa herë takohem me Çilin më bën të kujtohem  gjithmonë për ty, unë nuk kujtohem, sepse kam punë të tjera: Çili me thotë si je vëlla? Shprehja  e famshme e Ilir Metes: si je vëlla ose flori, gjë  që e bën herë pas here edhe Zheji, por Çili ma kujton shpesh.

          Henri Çili – Kemi një  përshëndetje edhe për Kryetarin e parlamentit  në këtë profil gjithnjë e më simpatik dhe gjithnjë  e më me popullaritet sipas sondazhit të fundit.

          Arian Çani -   Po, po sondazhin e fundit, do t’ia them tani Metës, por njeriu i vitit ju të “Mapo”-s zgjodhët Edi Ramën dhe jo Metën. Pa ja bërë qejfin,  se e kam në studio, sepse do t’ia thosha edhe Ramës po ta kisha këtu, se njeriu i vitit nuk është as Rama, as Berisha dhe as Basha, por Ilir Meta. E dini perse? Është i vetmi njeri që siguroi rotacionin.   Pyetja është pa Metën, a do te ishte Rama në pushtet?

          Henri Çili - Ne besojmë se një ditë, dhe jo larg, zoti Meta do të jetë Kryeministër   dhe atëherë, patjetër do të jetë njeriu i vitit.

          Arian Çani - Vëmë një bast, që do të vihet President?

          Henri Çili – E njëjta gjë është,  madje edhe më shumë.

          Arian Çani – A vëmë një bast tani, se do të bëhet President në vitin 2017 dhe ti thua Kryeministër?

          Ilir Meta - A mund të flas?

          Arian Çani - Ti vetë nuk e  di se  çfarë do të jesh: mund të jesh ose Kryeministër ose President.

          Ilir Meta - Jam shume mirë Kryetar i Kuvendit. Kjo frymë konstruktive në drejtimin e Kuvendit të mirëkuptohet nga të gjithë aktorët dhe të bëjmë disa reforma të mëdha.

Arian Çani – Unë them Ilir Meta është President, ti thua Kryeministër, ç’rëndësi ka, ai Kryeministrin e di se ç’është se e ka provuar, Presidentin nuk e ka provuar ende, por mos harro një gjë se të gjitha shanset janë me Metën, ka vetëm një risk, në qoftë se në një moment të caktuar apo ngjarjet janë të tilla Rama bashkohet me Bashën dhe me Doktorin dhe e lënë Metën vetëm. Këtë gjë e ke të parashikuar?

Ilir Meta – Vetëm t’i shërbejë Shqipërisë, por nuk jam kundër.

Arian Çani – Sinqerisht midis nesh, pavarësisht se e ke petkun e Kryetarit të Parlamentit, nuk të erdhi keq që realisht goditja e parë që bëri Rama ishte politike dhe ishte kundër pallatit të vjehrrit të Lul Bashës? Nuk e the një fjalë që “Edi, mos jemi duke e ekzagjeruar pak se me aktin e parë me tritol shteti hedh në erë pallatin e kundërshtarit politik ose të vjehrrit” , nuk ka rëndësi, meqë ishte i lidhur ai emër? Ti ke perceptimin publik si njeri që, përveç tolerancës, i peshon gjërat me qetësi. E çuditshme, nuk të dëgjuam fare në atë kohë, Ilir.

Ilir Meta – Janë disa vendime që i takojnë qeverisë.

Arian Çani – Në një konsultë qoftë edhe jo formale, ia ke thënë këtë gjë apo jo? Po presin gazetat ndonjë lajm.

Ilir Meta – Unë nuk jam këtu për të bërë lajmin që doni ju.

Arian Çani – Janë ca gjëra që nuk thuhen apo jo?

Ilir Meta – Edhe kjo duhet të jetë deri diku e vërtetë, por ka çështje për të cilat përgjegjësinë do ta marrë qeveria, ministri dhe unë i respektoj përgjegjësitë e të gjithëve.

Arian Çani – Ti vetë po të ishte Kryeministër, do t’ia prishje pallatin?

Ilir Meta – Nuk jam kryeministër, jam Kryetar Kuvendi. Ju e keni parë se çfarë fryme gjithëpërfshirëse ekziston në drejtimin e Kuvendit, aq sa të gjithë po më ankoheni pse i jep kaq hapësirë Doktorit.

Arian Çani – Ne ankohemi? Ne themi shyqyr. Doktori është figurë, aq më tepër që ke qenë në bashkëqeverisje.

Ilir Meta – Patjetër.

Arian Çani – Kjo është një shprehje mirënjohjeje që shumë pak e kanë në politikë. Për këtë bravo ju qoftë!

Henri Çili – Ndoshta është drejtimi më i mirë i parlamentit që ka ndodhur këta 20 vjet dhe mund të fusë përfundimisht një kulturë të Kryetarit të Kuvendit realisht qetësues, moderues i gjërave.

Arian Çani – Çili, ju të MAPO-s njeriun e vitit zgjodhët Edi Ramën, nuk zgjodhët Ilir Metën.

Ilir Meta – Nuk ndërhyn Çili te pavarësia e gazetës.

Arian Çani – Këtë nuk e kisha menduar.

Henri Çili – Po presim zotin Meta si Kryeministër, që do të vijë një ditë.

Arian Çani – Unë them President. 

Henri Çili – Dakord.

Arian Çani – A je gati për bast?

Henri Çili – Njësoj, është post po aq i lartë.

Ilir Meta – Ju doni të më futni në një debat të pavend për mua, sepse ju thashë se jam shumë komod në kuptimin e ushtrimit të përgjegjësive të mia, jo vetëm për momentin, por e shoh këtë pozicion si të rëndësishëm për të kontribuar në mbarëvajtjen edhe të parlamentet, jo vetëm të drejtimit të tij.

Arian Çani – Ilir, ky dobësim i paparë që ke bërë dhe ky ndryshim total në fizikun tënd, që nuk merret më vesh mosha juaj pas kësaj që ke bërë, sepse kështu më vijnë mesazhet, tregon se je për një rrugë të gjatë. Jemi dakord si Kryetar Kuvendi, por sa?

Ilir Meta – Për aq kohë sa do të jetë e dobishme. 

Arian Çani – Pikërisht, po pastaj?

Ilir Meta – Përse njeriu duhet të jetë patjetër ose Kryetar Kuvendi, ose Kryeministër, ose President, ose diçka tjetër.

Arian Çani – Është pjesë e karrierës politike.

Ilir Meta – Kjo është diçka tjetër. Mund të jesh i dobishëm në çdolloj pozicioni, edhe pa pasur një pozicion shumë të lartë.

Arian Çani –Vërtet?

Pra, ju kanë rënë ambiciet fare, Ilir, le ta themi sonte këtë. Nuk keni më ambicie politike?

Ilir Meta – Unë kam ambicie për vendin, nuk është se kam ambicie thjesht për veten.

Henri Çili – Zoti Meta një ditë mund të kërkojë që të krijohet edhe Senati në Shqipëri dhe atëherë do të ishte kryetari i tij.

Ilir Meta – Jo, nuk jam shumë dakord për senatin, sepse ne jemi një vend që nuk nevojë për dy dhoma. Vende më të mëdha, që i kanë të dyja dhomat kanë shumë vështirësi dhe probleme.

Arian Çani – Po ku do të shkojnë të gjithë të urtët e këtij vendi, që dikur mund të kenë qenë jo të urtë, por tani kanë ndryshuar? A nuk duhet të mendoni fare për ta?

Henri Çili -  E gjithë elita politike që del nga...

Arian Çani – Për shembull, ju nuk do të jeni gjithmonë 40 vjeç sa tani.

Ilir Meta – Po përse duhet patjetër gjithmonë të jesh pjesë e një politike, qoftë edhe jo kaq shumë, siç është senati në raport me parlamentin. Nuk e kuptoj këtë gjë. 

Arian Çani – Sepse shteti i nderon të urtit.

Henri Çili – Ju që tani, zoti Meta, jeni kthyer në një senator nga pikëpamja e metaforës së qëndrimit politik.

Ilir Meta – Kështu të kthehemi të gjithë në senatorë në kuptimin e arsyetimit, të përgjegjshmërisë dhe të maturisë.

Henri Çili – Ta krijojmë edhe senatin për të strehuar.

Ilir Meta – Po nuk ka nevojë të krijojmë dy dhoma.

Arian Çani – Ka një pamje presidenciale Meta, a e keni vënë re, apo jo Çili?

Henri Çili – Senatorial do të thosha.

Arian Çani – Presidencial do të thosha unë.

Ilir Meta – Është një frymë konstruktive.

Arian Çani – Dakord.

Filmi vazhdon, mos u gënjeni kaq shpejt. Intervista për Ilir Metën quhet “PS-PD, Meta në mes”. Këtu përgjigjet janë tmerrësisht të shkurtra, mundësisht me dy fjalë.

Ilir, a mendoni se ka e ndryshuar LSI-ja dhe ju vetë personalisht qëndrimin për 21-janarin? Do të kujtojmë që ju vetë nuk ishit në ceremoninë e 3-vjetorit, por ju përfaqësonte Petrit Vasili. Si ta kuptojmë këtë?

Ilir Meta - Sepse unë kam qenë në një aktivitet ndërkombëtar, në Marsejë. Ndërsa për 21 janarin nuk ndryshon qëndrimi për dhunën ndaj policisë, ashtu sikurse nuk mund të ndryshojë qëndrimi për vrasjet e pafalshme ndaj 4 qytetarëve të pafajshëm.

Arian Çani – Si koordinohen punët mes PS-së dhe LSI-së në qeverinë “Rama”? A ju mban të fshehta PS-ja dhe Rama për vendimet që marrin? Disa herë deputetët tuaj kanë kërkuar interpelancë me ministrat socialistë. Nuk dua të futem te armët kimike se është një histori që e thatë te Fevziu, nuk dua ta përsëris prapë.

Ilir Meta – Deputetët e LSI-së kanë kërkuar interpelanca dhe do të ketë edhe me ministrat të cilët janë të LSI-së, sepse është përgjegjësi e çdo deputeti të kërkojë interpelanca për çështje që shqetësojnë qytetarët.

Arian Çani – Sa fajtor ndiheni ju për këto shifra të kriminalitetit në vend? Saimir Tahiri akuzon qeverinë “Berisha” për këtë situatë tritoli në vend, por ju keni qenë bashkëqeverisës me Berishën deri para pak muajsh.

Ilir Meta - Unë jam i bindur që situata e kriminalitetit është më e mirë, në rast se do t’u referoheshim statistikave, por politizimi ekstrem i çështjeve të rendit publik nuk është i dobishëm.

Arian Çani – Në Jug të vendit po shemben objekte të ndryshme në mënyrë selektive me dhe pa leje. Çfarë qëndrimi mbani ju?

Ilir Meta – Unë midis kazmës dhe lopatës preferoj lopatën. Jam për t’u dhënë fund ndërtimeve pa leje, sepse po shkatërrojnë vendin.

Arian Çani – Me leje.

Ilir Meta – Nuk e di që ka ndërtime me leje, të cilat po prishen.

Arian Çani – Në Himarë të gjitha ato që u prishën ishin me leje.

Ilir Meta – Nuk mund ta konfirmoj këtë gjë, por duke qenë se preferoj më shumë lopatën sesa kazmën, shpresoj me fillimin e pranverës të shohim ndërtime sipas planeve urbanistike. Kjo është një gjë e domosdoshme, sepse ne në Shqipëri, pas 23 vjetësh, ende nuk kemi një resort të mirëfilltë turistik me të gjithë treguesit e nevojshëm.

Arian Çani – Është e vërtetë që Koço Kokëdhima ka pranuar që të prishet hoteli i tij në Qeparo?

Ilir Meta – Nuk ka Koço hotel në Qeparo.

Arian Çani – Ka vëllai i tij.

Ilir Meta – Nuk është e njëjta gjë dhe nuk e di si është ky problem në raport me ligjin.

Arian Çani – Është hapur llafi se do i vënë tritolin.

Ilir Meta – Kush e di çfarë do të dëgjojmë nesër për ne të dy kur ndenjëm vetëm.

Arian Çani – Nga çfarë shohim ne nga jashtë, ju bashkëpunoni më mirë me Berishën, dukeshit më i qeshur me Ramën jo dhe aq. Ilir Meta, a mendoni se ju ka infektuar me zymtësinë e tij prej piktori? Dukeni edhe pak i hequr në fytyrë.

Ilir Meta – Nuk ka asnjë lidhje me këtë çështje. Unë jam ndier mirë me doktorin, ndihem mirë edhe me Kryeministrin aktual.

Arian Çani – Epo, PS dhe PD. Ilir Meta në mes. Prandaj quhet kështu intervista.

Ilir, përse e favorizoni Berishën në parlament? Pse e lejoni të flasë sa dhe kur të dojë ai?

Ilir Meta – Më mirë të akuzoni më për tolerancë se për arrogancë.

Arian Çani – Nuk është vetëm kjo arsyeja. Le ta themi, ju keni edhe një feeling me doktorin.

Ilir Meta – Nuk e fsheh dot.

Arian Çani – Ilir, përse nuk ishit edhe ju në darkën Rama-Topi? Për çfarë duhet Bamiri në qeverinë e piktorit? Bamiri nuk ka as deputetë në parlament.

Ilir Meta – Nuk besoj se çdo darkë duhet bërë për një interes parlamentar. Nuk besoj se ka qenë darkë e gabuar.

Arian Çani – Piktori ka qenë në shtëpinë e Bamirit më 1 janar për kafe.

Ilir Meta – Nuk e di. Është në kuadrin e thashethemeve?

Arian Çani – Jo, nuk është thashethem. Është e sigurt.

Ilir Meta - Shumë mirë. Urohet Viti i Ri. Çfarë problemi ka?

Arian Çani – Po ju rrethon piktori nga të gjitha anët. Po i mbledh të gjithë aleatët.

Ilir Meta – Shumë mirë. Sa më shumë të përfshihen, aq më mirë është.

Arian Çani – Intervista tjetër për Ilir Metën quhet: Ju në vend të piktorit.

Kjo është një intervistë imagjinare, Ilir.

Ilir Meta – Sipas rregullave tuaja.

Arian Çani – Faleminderit!

“Sikur ju të ishit Kryeministër në vend të Edi Ramës”, kjo është intervista.

Ilir, në vend të piktorit, do të emëronit Saimir Tahirin apo Ndre Legisin ministër të Rendit, që ky i fundit të mos shpërthente si tritoli me deklaratat në medie?

Ilir Meta – Për hir të nostalgjisë, të parin do të propozoja Ndre Legisin, por jam i bindur se ai nuk do të pranonte. Kështu që edhe unë do të emëroja Saimirin.

Arian Çani – Ilir, në vend të piktorit, a do të hiqnit Visho Ajazin dhe do të rikthenit Bahri Shaqirin në krye të SHISH-it, pas deklaratës së Saimir Tahirit se atentatet me tritol janë akte terroriste dhe se SHISH nuk informon?

Ilir Meta – Gjithmonë vlerësimi bëhet për atë që është.

Arian Çani – Ilir, në vend të piktorit a do ta mbështesnit tezën e komunistit Marko Dajti për legalizimin e marijuanës?

Ilir Meta – Nuk ka qenë pjesë e premtimeve tona elektorale. Jo për çdo gjë do të jemi dakord me Marko Dajtin.

Arian Çani – Ilir, në vend të piktorit, a do të besonit se sistemi shëndetësor falas mund ta realizojë më lehtë një mjek si Petrit Vasili, se një basketbollist si Ilir Beqja?

Ilir Meta – Për mua do të kishte rëndësi të realizohet falas. Nuk ka rëndësi emri. Të dy janë emra shumë të nderuar.

Arian Çani -  Kujdes! Ju nuk keni qenë dakord që shëndetësia të ishte falas.

Ilir Meta –Nuk kemi qenë dakord, sepse kemi bërë një vlerësim të vështirësive, të pamundësive, por nuk besoj se ndokush do të ishte kundër shëndetësisë falas.

Arian Çani – Ilir, në vend të piktorit, drejtoreshat e reja që janë me shumicë në këtë qeveri, në agjenci të ndryshme, do t’i caktonte Monika, bashkëshortja juaj, nga grupi i saj apo do t’i caktonit ju nga grupi juaj?

Ilir Meta – Nuk do t’i caktojë askush nga asnjë grup.

Arian Çani – Drejtoreshat e reja, Ilir?

Ilir Meta – Nuk do të caktoheshin nga asnjë grup. Do të caktoheshin në bazë të vlerave të tyre.

Arian Çani –Do të merrej më shumë Monika me femrat?

Ilir Meta – Ju mendoni se ne jemi kundër pjesëmarrjes së femrave në qeverisje? Përkundrazi.

Arian Çani – Ilir, në vend të piktorit, tani që edhe mandati i kryetarit të PS-së ka mbaruar, do ta ndryshonit statusin për të qëndruar në krye pa votim, siç po bën piktori aktualisht, apo do ta linit Ben Blushin të kandidonte?

Ilir Meta – Do ta bëja votimin sa më shpejtë që të ishte e mundur.

Arian Çani – Ai nuk do të bëjë votim, sepse thotë se jam automatikisht kryetar. Punë e tij.

Ilir, në vend të piktorit, do t’i kishit sytë nga amerikanët në këto momente apo për shkak të krizës do të shkonit tek Erdogani dhe te kinezët?

Ilir Meta – Amerikanët unë dhe Çili nuk do t’i heqim asnjëherë, por jemi të hapur për çdo kontribut që na ndihmon të rrisim ekonominë.

Arian Çani – Ilir, në vend të piktorit, do t’ua rrisnit obezëve çmimin e karburantit apo do t’u këshillonit dietën Dunkan, që keni aplikuar ju vetë?

Ilir Meta – Po të kisha mundësi, do t’u jepja falas të gjithëve nga një biçikletë.

Arian Çani – Ilir, në vend të piktorit, nëse do të humbisni sërish statusin e vendit kandidat në muajin qershor, do t’ia faturonit fajin ekstremistëve të Europës dhe doktorit, apo Ilir Metës?

Ilir Meta – Për statusin tani kam marrë edhe unë pozicionin e doktorit, dikur “kur ta meritojmë”, në kuptimin kur të vijë momenti i duhur. Kjo do të thotë se vendi ka nevojë për një qeveri që punon për statusin, por edhe për një opozitë që punon për statusin. Nuk është momenti për të shpikur fajtorë.

Arian Çani – Ilir, ju në vend të piktorit, do bënit marrëveshje me Gruevskin e Maqedonisë, pra do të ishit pro ndërtimit të hidrocentralit të Radikës apo do të bëheshit me shqiptarët e Dibrës për të penguar ndërtimin e tij?

Ilir Meta – Në çdo rast me shqiptarët e Dibrës.

Arian Çani – Ilir, ju në vend të piktorit, do t’u thoshe “po” armëve kimike dhe të mërzisnit popullin tuaj apo do t’u thoshe “jo” armëve kimike dhe të mërzisnit amerikanët?

Ilir Meta – Në çdo rast do t’i thosha “po” popullit tim, por pa menduar asnjëherë se kjo është një “jo” për aleatët tanë më të mëdhenj.

Arian Çani – Ilir, ju në vend të piktorit, do të shpallnit partner strategjik Gjermaninë e Angela Merkelit apo Turqinë e Erdoganit?

Ilir Meta – Në këtë rast nuk preferoj “...ose ...ose” apo” ... edhe ...edhe”.

Arian Çani – Nuk na doli asnjë lajm, po presin dy gazeta “Panorama” dhe “Gazeta Shqiptare”. Apo ka dalë ndonjë gjë dhe më ka ikur mua? Ishte një tre pikësh në fillim.

Henri  Çili – Për pallatin e Vlorës është përgjegjësi e ministrit.

Arian Çani - P