Skenari fantashkencë i Berishës: tritolin ia ka vënë vetes... Rama, bipolari

Ish-Kryeministri Berisha me një postim në FB (i përshtatur për masat popullore me fjalë si “të ndenjurat e X e Y”) ka shpallur publikisht kush po vë tritol në Shqipëri: qeveria!

“Sihariqin për hyrjen e tyre në fuqi [paketës fiskale], qeveria e njoftoi me pak C4, kësaj radhe të vendosur jo në të ndenjurat e Besnik Dervishit, madje as dhe në të ndenjurat e shtyllës të tensionit të lartë, por direkt në trupin e saj. Po çfarë e shtyu Edi Ramën të rrisë borxhin e vendit në një vit 3.2 herë më shumë se sa u rrit në tete vite dhe të rrisë taksat për 100% të shqiptarëve e të shtyjë drejt krizës ekonominë e vendit?” shkruan Berisha, i cili më tej citon ekonomistë të shquar të huaj (pa emër) të cilët “kanë deklaruar publikisht se shkaku qëndron në injorancën e plotë të tij [Ramës] në ekonomi, të tjerë besojnë se këto anti-reforma lidhen me psikozën e tij për shkak të së cilës ai ka krijuar në mendjen e tij dhe lufton kundër një realiteti ekonomik që në të vërtetë nuk ekziston dhe po me psikozën bipolare lidhet dhe besimi i tij se në Shqipëri nuk ka ekonomist tjetër përveç atij...” shkruan lideri historik i PD-së në FB.

k.c.