Ditëlindja e Timonierit Mao. BBC-ja e përkujton me publikimin e sloganeve më të njohura të Kinës komuniste

Kina kujton 120 vjetorin e lindjes së liderit të saj të parë komunist, Mao Ce Dun (Mao Ze Dong). I mbiquajtur si Timonieri i Madh, Mao mori përmasat e një ideologu. Ai udhëhoqi Partinë Komuniste drejt pushtetit më 1949-ën, për të stabilizuar një regjim i cili dallonte nga regjimet e tjera të stilit sovjetik në Europën Lindore. Mao ndërmori reforma të mëdha edhe në jetën kulturore të Kinës, por kur vjen puna te pasojat e tyre historianët ndahen. Gjithsesi është një lider të cilit i faturohen një numër i jashtëzakonshëm të eliminuarish për arsye politike. Ndërkohë këtë përvjetor, BBC-ja ka zgjedhur ta përcjellë përmes një karakteristike të dallueshme të Kinës komuniste: Sloganeve. Dhe ka renditur disa prej tyre: “Guxo të mendosh, guxo të veprosh”, “Kërkoje të vërtetën nga faktet” apo “Më pak fëmijë, rrisni më shumë derra”. Sipas BBC-së këto dhe të tjera, janë slogane të thjeshta, të  rrokshme nga njerëzit dhe që kanë ndryshuar vërtet shumëçka në Kinë. Dhe një ideator i kësaj politike sloganesh ishte pikërisht Timonieri i Madh, që e ktheu Sloganerinë në një formë arti politik. 

Më shumë në: http://www.bbc.co.uk/news/world-asia-china-24923993

s.z