Rama para grupit të PS, mbron projekt buxhetin sulmon "armikun" që ndjell apokalipsin

Rama po zhvillon mbledhjen e grupit parlamentar të partisë për të diskutuar në lidhje me pr/buxhetin e 2014 dhe paketën e re fiskale. Pas fjalës për mediat e ka vazhduar bisedën me dyer të mbyllura.

Ndër të tjera, Rama tha (ose përsëriti):

Buxheti i ri:

Kemi trashëguar katrahurë financiare dhe një vend të gjunjëzuar financiarisht  me një mori borxhesh.

Nafta:

Nëse në 8 vite çmimi i naftës u rrit nga 600 në 1800 lekë dhe asnjë apokalips nuk ndodhi, 10 lekë naftë taksë qarkullimi për gjithë këto qëllime të mira dhe në funksion të vlerave e parimeve jo vetëm që nuk do të cënojnë ekonominë por përkundrazi do të forcojnë shëndetin e shoqërisë...
Borxhi:

“Nuk po rrrisim borxhin publik por vetëm e legalizojmë"

Duhani, alkooli, pijet energjike:

“Nuk kam dëgjuar ndonjëherë që kjo qeveri i ka hapur luftë me dashamirësit e duhanit. Ky është një nocion që na e dhanë këta që se kanë fare haberin dhe duke pasur një mjek në krye na paskan stimuluar pirjen e duhanit.  Ne do rrisim akcizën, dhe njerëzit do marrin frymë më lirisht. Nëse do ta lërë duhanin do na e dijë për nder sepse është falë nesh. Edhe pijet alkoolike edhe pijet energjike do i vendosim nën akcizë”

k.c.