LSI jep alarmin: Dështimi i verifikimit elektronik shton rrezikun e vjedhjes dhe manipulimit të votave

Dështimi i procesit të verifikimit elektronik nga Komisioni Qendror i Zgjedhjeve për rrethin e Tiranës, veç dëmit dhe kostos financiare prej 2 milionë eurosh, e vendos në vështirësi procesin e verifikimit ose heqjen e dyshimeve për karta false, ka thënë sot në një konferencë për shtyp nënkryetari i LSI-së, Ylli Manjani.

Më tej Manjani jep alarmin se ka shenja të personave të degjeneruar në pushtet që kanë administruar fonde publike në këto 8 vjet, për të joshur votues, për të blerë vota, apo për të krijuar situata të tilla, të cilat sipas Ligjit Penal, janë vepra penale të ndëshkueshme.

Sipas tij, ajo që quhet transparencë e zgjedhjeve mungon për shkak të faktit se zgjedhësit janë pak ose aspak të informuar dhe kjo rezulton qartësisht gjatë punës që LSI ka bërë në terren.

Zh.