Mustafaj ironizon premtimet e fushatës nga Rama e Berisha: “Do të kenë gjetur thesarin e ali Pashë Tepelenës për t’i realizuar...”

Besnik Mustafaj analizon sot te Panorama, premtimet e liderëve dy partive të mëdha që, sipas tij, “[si Rama, edhe Berisha] me një bujari princërore premtojnë ditë përditë vetëm shkurtime apo edhe heqje fare të taksave, heqje akcizash, lirim nga TVSH-ja.”

Sikur çereku i këtyre premtimeve të mbahen, arka e shtetit do të pësonte një gropë tjetër të madhe, shkruan Mustafaj. Madje, ai beson se dhe elektorati nuk i beson këto premtime, duke iu referuar një sondazhi italian “zhvilluar javën e kaluar nga një kompani italiane e specializuar,” e sipas të cilit 72.8% e të pyeturve shpreheshin se këto premtime janë të parealizueshme pikërisht për shkak të mungesës së fondeve. Ndaj Mustafaj kërkon që [Rama dhe Berisha] “duhet të na tregojnë me logjikë ekonomike se nga do burojnë ato miliarda euro që nevojiten për të realizuar premtimet e tyre, ndërkohë që do të pakësohen burimet për të mbushur arkën e shtetit. Ose të na gëzojnë me lajmin se janë në dijeni të vendndodhjes së thesarit të Ali Pashë Tepelenës.”

k.c.

I plotë:

http://www.panorama.com.al/2013/06/14/kur-me-leshojne-endrrat/