Berisha premton se do të njohë rezultatin (!!!), ndërsa PS-ja nuk e jep këtë premtim

Një delegacion i Këshillit të Europës ka pasur takime me të dy palët, që marrin pjesë në garën e zgjedhjeve. Gazetarët janë fokusuar me të drejtë tek alarmi, me të cilin ata kanë trajtuar çështjen e KQZ-së. Por ka pasur një “detaj” nga vizita e delegacionit të KiE-së e nga takimet e bëra, që nuk është mbuluar si duhet nga media. Anëtarët e këtij delegacioni ishin të entuziasmuar, ngaqë “kryeministri Berisha u kish thënë shprehimisht se në çdo rrethanë, PD-ja dhe koalicioni i saj do ta pranojnë rezultatin e zgjedhjeve”. Edhe kjo do na duhej, në fakt: dmth që Berisha, i cili ka nën kontroll të gjithë procesin zgjedhor (KQZ-në që nuk e kish, e mori pikërisht me synimin për të mos lënë asnjë copë të procesit pa e pasur nën kontroll), të mos njihte rezultatin.

Atyre u ka bërë përshtypje, që “eksponentët e përfaqësuesit e PS-së nuk bënë të njëjtin pohim; përkundrazi, thanë se do të shohim se si do të shkojë procesi”.

Re.Pu.