Highlights nga konventa e PD: Berisha shton dhe 1 mijë km mbi deklaratat e Olldashit

Gazeta Shqip sot sjell detaje “pikante” nga konventa e PD-së, që nga fjalimi i Kryeministrit që flet për 11 mijë km rrugë, kur  Ministri i tij Olldashi pat deklaruar 10 mijë, e deri tek Lul Basha që la fjalën në mes kur hyri Berisha e zbriti t’i jepte dorën.

Mijëra km e rrugëve

“Ne ndërtuam në pak kohë mbi 11 mijë kilometra rrugë në katër anët e Shqipërisë”, tha Berisha.

Dromofobia

 “Duke parë se je i sëmurë nga rrugët, unë jam mjek, e kam të thjeshtë ta kuptoj se të ka zënë dromofobia”

Pauza

Berisha hyn në sallë në momentin kur po mbante fjalimin e tij, Lulzim Basha, i cili shkëputet nga foltorja për të shtrënguar duart me të.

Topalli

 “Kryeministri Sali Berisha dhe PD kanë një plan real për krijimin e 250 mijë vendeve të punës në katër vitet e ardhshme”.

Bode

 “Ne jemi për taksa të ulëta. Taksat e larta vrasin punën dhe ne kemi nevojë për punësim. Taksat e larta vrasin investimet e bllokojnë zhvillimin”

Bregu

 “Sheshet mbushen me hir nga qytetarët, e jo me pahir siç thotë kreu i PS-së, Edi Rama, që nuk di metodë tjetër veç asaj të robërisë për të mbledhur njerëz”

k.c.