Kryetari i PDSh-së në Maqedoni, Thaçi, hoxhallarëve: “do ju vë nga një kryq në ballë”!

Kryetari i Partisë Demokratike Shqiptare (PDSH) në Maqedoni, Menduh Thaçi, vazhdon të haajë inat me votuesit shqiptarë të Tetovës për humbjen e partisë së tij në këtë qytet, dh endër të tjera, ka akuzuar edhe hoxhallarët, për të cilët ka thënë se duhet t’iu vendoset nga një kryq pasi kanë legalizuar politikën e vendosjes së kryqeve nëpër Maqedoni (?!)

Deklarata e Thaçit është bërë në televizionin “Koha”, ku ai thjesht ka përsëritur deklaratën e dhënë dhe më parë për gazetën maqedonase “Dnevnik”.

 “Këtyre hoxhallarëve ju them se: a jeni në vete se çfarë bëni. T’ju porosis nja 100 kryqe e t’jua vendos në ballë, që vazhdoni të punoni për këtë strukturë e cila e ortodoksizon tërë Maqedoninë”, ka thënë mes tjerash Thaçi, cituar nga gazeta Zëri.

k.c.